Академик: «Киләчәктә ата-аналар балаларының генетик моделен ясый алачак»
Киләчәктә ата-аналар балаларын генетик яктан модельләштерә алачак, һәм дәүләт мондый очракларны законнар белән җайга салуга әзер булырга тиеш. Бу фикерне Россия Фәннәр академиясе президенты Геннадий Красников «РИА Новости»га интервьюда белдергән.
«Безнеңчә, билгеле бер вакыттан соң бу мәсьәлә хәл ителәчәк», — ди академик, ата-аналар киләчәктә баланың җенесен генә түгел, ә башка сыйфатларын да билгели алачакмы, дигән сорауга җавап биреп.
«…моның өстендә эшләргә кирәк, иң беренче чиратта, нәтиҗәләр күзлегеннән карап. Чөнки бу балаларның һәм аларның нәселенең сәламәтлеге белән проблемалар булмаска тиеш», — дип ассызыклаган ул.
Шул ук вакытта Красников «махсус кешеләрне барлыкка китерү» механизмнары киң таралуын хупламавын әйткән, әмма тарихи тәҗрибә күрсәткәнчә, мондый процессларны туктатып булмаячак.
«Алдан ук әзерләнү яхшырак: тиешле законнар, якын килү юлларын эшләргә кирәк. Бары тик тыюлар гына ярдәм итмәячәк», — дип йомгаклаган РФА башлыгы.