Яшь кыз туган көненнән соң видеоклип төшергәндә һәлак булган
Красноярск өлкәсендә 23 яшьлек кыз Дивногорск шәһәрендә күзәтү мәйданчыгында 4 метр биеклектән егылып төшеп һәлак булган. Бу турыда Тикшерү комитетына сылтама белән РИА Новости яза.
Мәрхүмә кыз алдагы көнне туган көнен бәйрәм иткән һәм видео төшерергә маташкан.
Биеклектән егылып төшү билгеләре булган мәет табылгач, тикшерү башланган. Аның нәтиҗәләре буенча ачыкланганча, 8 августта кичке унберләр тирәсендә хатын-кыз исерек халәттә күзәтү мәйданчыгына килә. Ул иптәш кызы белән була, кызлар видеоклип төшерергә җыена.
Клип төшергән чакта иминлек кагыйдәләрен җитди бозып, күзәтү майданчыгының коймасы аша кырыйга чыга һәм тотынып кала алмый. Ул 4 метр биеклектән аска егыла һәм урында ук үлә.