Afrikada elâk olğan çekiş gruppası “Vagner şahsiy arbiy şirketi” aqqında film üzerinde çalıştı
Üç Rusiye vatandaşı Sibü şeerinden 23 kilometr uzaqlığında şossede öldürilgen tapılğan dep haber etti AFT agentligi. Yanlarında jurnalistlik vesiqaları bar edi. Cesetler BMT (Birleşken Milletler Teşkilâtı) barıştırıcılarınıñ bazasına ketirildi. Olar yürgen maşnanıñ aydayıcısı ğayıp oldı.
Jurnalistler sanki ülkeniñ şimalindeki Kaga-Bandoro şeerinden qayta ekenler. MAC-niñ paytahtı – Bangi şeerinde bulunğan Rusiye askerlerinden birisi, MAC-ndeki Rusiye vekilligi ülkede Rusiye jurnalistlerniñ bulunması içün bilmegenini, AFP agentligine haber etti.
“Taqiqatlar idaresi Merkezi”niñ reberi Andrey Konâhin, “МБХ Медиа”-ğa bergen malümatqa köre, “Orhan Cemal ve Aleksandr Rastorguyevnen beraberlikte leyha azırlanıla edi. O Merkeziy Afrika meselesine bağışlanğan. Bu leyha boyunca yaznıñ başından iş yürsetilmekte edi.”
Konâhin, evel haber etilgeni kibi, ölülerniñ yanında “İzvestiya”nıñ press-kartaları olğanı aqqında iç bir şey bilmegenini qoştı. “Belki de, Orhannıñki bar edi, o bir vaqıtları anda çalıştı”, - dedi Andrey Konâhin ve yarın, avgustnıñ 1-inde, olıp keçken vaqia aqqında resmiy malümat almaq içün Moskovadaki MAC-niñ elçiligine baracağını haber etti.