Apple-ի նորագույն «այֆոնները» համալրվելու են eSIM քարտով. ո՞րն է դրա առավելությունն ու տարբերությունը սովորական քարտերից
Տեխնոլոգիաների աշխարհում նոր տերմին է սկսել շրջանառվել՝ eSIM, սակայն ոչ բոլորն են տեղյակ, թե ինչ է այն իրենից ներկայացնում և արդյոք այն կբարելավի սմարթֆոնի աշխատանքը:
Օգտատերերից շատերին հետաքրքրում է, թե ինչով է eSIM-ը տարբերվելու ավանդական SIM-քարտերից, որոնք կիրառվել են մինչ օրս: Ինչպես հայտնում է BBC-ն, այն իրենից էլեկտրոնային SIM-քարտ է ներկայացնում, որտեղ e մասնիկը նշանակում է embedded («ներկառուցված»):
Մինչ այս սմարթֆոններում փոքրիկ պլաստիկե քարտեր էին օգտագործվում, սակայն eSIM-ը գալիս է փոխարինելու դրանց: Այն միկրոսկոպիկ չիպ է, որը ներկառուցված է հեռախոսի մեջ և չի կարող դուրս բերվել: Որպեսզի այն աշխատի, այդ տեխնոլոգիան պետք է ապահովի բջջային օպերատորը:
eSIM-ը թույլ է տալիս առանց քարտի փոփոխության երկու տարբեր հեռախոսահամար օգտագործել մեկ սարքում: Դրանցից մեկը կարելի է օգտագործել աշխատանքի համար, մյուսն անձնական զանգերի, սակայն միաժամանակ երկուսն էլ օգտագործել հնարավոր չի լինի:
eSIM տեխնոլոգիան նախկինում արդեն կիրառվել է 2016-ին թողարկված Samsung Gear S2 3G և Apple Watch 3 «խելացի» ժամացույցներում: Google-ի l 2 սմարթֆոնը նույնպես աշխատում է eSIM-ով, սակայն ոչ բոլոր բջջային օպերատորներն են ապահովում այդ տեխնոլոգիայի աշխատանքը: