Սարի Թաղի որոշ հատվածներում գազամատակարարումը ժամանակավորապես դադարեցվել է. պատճառը՝ բեռնատարի վարորդն է, ով բախվել է գազատար խողովակին և դիմել փախուստի
Ինչպես հայտնում է ֆոտոլրագրող Գագիկ Շամշյանը, ժամը 20:30-ի սահմաններում բեռնատար ավտոմեքենան Սարի Թաղի 8-րդ շարքում բախվել է գազատար խողովակին, այնուհետև դեպքի վայրից հեռացել: Բախման հետևանքով գազի արտահոսք է առաջացել:
Օպերատիվորեն ժամանել են Երևանի ԳԳՄ-ի աշխատակիցները՝ գլխավոր տնօրեն Գառնիկ Մովսիսյանի գլխավորությամբ:
Ժամանել է Արտակարգ իրավիճակների նախարարության փրկարար ծառայության Երևանի թիվ 3 հրշեջ-փրկարարական ջոկատը՝ 1 մարտական հաշվարկով:
Դեպքի մասին արդեն տեղյակ են ոստիկանության Էրեբունու բաժնում, ովքեր ձեռնարկում են անհրաժեշտ օպերատիվ-հետախուզական միջոցառումներ՝ նշված ավտոմեքենան և վարորդին հայտնաբերելու ուղղությամբ:
Գ. Շամշյանի տեղեկություններով՝ ոստիկաններն արդեն պարզել են այդ ավտոմեքենայի մակնիշը:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
The post Սարի Թաղի որոշ հատվածներում գազամատակարարումը ժամանակավորապես դադարեցվել է. պատճառը՝ բեռնատարի վարորդն է, ով բախվել է գազատար խողովակին և դիմել փախուստի appeared first on ԳԱԼԱ.
