БАА Ўзбекистонда заргарлик маҳсулотлари ишлаб чиқаришни бошлайди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: Dunyo Ўзбекистоннинг Дубайдаги Бош консулхонасида IBMC Financial Professionals Group компанияси раҳбарлари Сажиз Кумар ва Елена Пендурова билан музокаралар ташкил этилди, деб хабар бермоқда «Дунё». Сажиз Кумар Ўзбекистонда ҳаётга татбиқ этилаётган ислоҳотлар ва ишбилармон доиралар вакилларига қаратилаётган эътиборни катта қизиқиш билан кузатиб бораётганини билдирди. «Ўзбекистон иқтисодиётининг турли тармоқларида лойиҳаларни амалга оширишга хорижий сармояларни жалб қилиш бўйича кенг кўламли чора-тадбирлар бизнинг компаниямизни ҳам қизиқтиряпти. Биз ўзбек ҳамкорлар билан алоқаларни йўлга қўйишдан манфаатдормиз», деб таъкидлади у. Музокаралар якунида IBMC Financial Professionals Group компанияси билан Ўзбекистонга инвестиция киритиш, заргарлик маҳсулотларини ишлаб чиқиш бўйича лойиҳаларни амалга ошириш бўйича мулоқотларни давом эттиришга келишиб олинди.