დანიის თავდაცვის მინისტრი: უკრაინას F-16 ტიპის გამანადგურებლების გამოყენება მხოლოდ საკუთარ ტერიტორიაზე შეუძლია
დანიის თავდაცვის მინისტრმა იაკობ ელემან-იენსენმა განაცხადა, რომ უკრაინას დანიის მიერ გადაცემული F-16 ტიპის გამანადგურებლების გამოყენება მხოლოდ საკუთარ ტერიტორიაზე შეუძლია.
მისი თქმით, კოპენჰაგენი კიევს იარაღს გადასცემს იმ პირობით, რომ ის გამოყენებული იქნება „მტრის უკრაინის ტერიტორიიდან განდევნის მიზნით“.
„ჩვენ იარაღს გადავცემთ იმ პირობით, რომ ისინი მას ოკუპანტის უკრაინის ტერიტორიიდან განდევნის მიზნით გამოიყენებენ. ეს არის პირობები, იქნება ეს ტანკები, საბრძოლო თვითმფრინავები თუ სხვა რამ“, – დასძინა დანიის თავდაცვის მინისტრმა.