Ես երբեք չեմ լքի Իսրայելը․ Իսրայելի պաշտպանությունը կարևոր է, ուստի «կարմիր գծեր» չկան․ Բայդեն
Միացյալ Նահանգները կշարունակի աջակցել Իսրայելին, և չկան «կարմիր գծեր», որոնք կհանգեցնեն նրան, որ նա կորցնի ամերիկյան աջակցությունը, ասել է ԱՄՆ նախագահ Ջո Բայդենը։
«Ես երբեք չեմ լքի Իսրայելը: Իսրայելի պաշտպանությունը դեռևս կարևոր է, ուստի կարմիր գծեր չկան», - ասել է նա ամերիկյան MSNBC հեռուստաալիքին տված հարցազրույցում։
Բայդենն ընդգծել է, որ Իսրայելի վարչապետ Բենիամին Նեթանյահուն «իրավունք ունի պաշտպանել Իսրայելը և շարունակել հալածել ՀԱՄԱՍ-ին»։
Միաժամանակ Բայդենը «սխալ» է անվանել Նեթանյահուի գործողությունները, որոնք հանգեցնում են անմեղ մարդկանց մահվան, և «նա պետք է ավելի շատ ուշադրություն դարձնի» դրան և հաշվի առնի դրա հետևանքները։
«Իմ կարծիքով, սա ավելի շատ վնասում է Իսրայելին, քան օգնում»,- ասել է ԱՄՆ նախագահը։