To Røde Kors-sjåførar drepne i Sudan
Væpna menn tok livet av to sjåførar som arbeidde for den internasjonale Røde Kors-komiteen i Sudan, seier Røde Kors til AFP.
I tillegg blei tre tilsette skadde i hendinga.
– Vi sørger over våre kjære kollegaer. Vi sender våre kondolansar til familiane, og håper dei skadde blir friske raskt, seier Pierre Dorbes, som leiar delegasjonen til Røde Kors i Sudan til nyheitsbyrået.
Titusenvis av menneske er drepne og fleire millionar menneske er drivne på flukt frå kampane mellom regjeringshæren og militsen, som starta i fjor.