“Барселона” мухлислари “Эл-Класико” олдидан клуб қароридан норози
РАC1 нашрининг хабар беришича, клуб ва Spotify ўртасидаги музокаралар сўнгги босқичга етган. Бу келишув “Барселона”нинг медиахомийси Spotify билан ҳамкорлиги доирасида амалга оширилмоқда. Аввалроқ клуб либосларида Coldplay, The Rolling Stones ва Драке каби машҳур ижодкорларнинг логотиплари ҳам акс этган эди.
Мухлисларнинг норозилиги
Бу қарор “Барселона” мухлислари орасида кескин норозиликка сабаб бўлди. Улар Свифт яқинда “Реал”нинг уй стадиони “Сантяго Бернабеу”да концерт берганини ва мадридликларга 9 миллион евро даромад келтирганини эслаб, клубни ушбу режадан воз кечишга чақирмоқда.
“Барселона” бошида Эд Ширан ва Тревис Скотт номзодларини ҳам кўриб чиққан, бироқ айнан Тейлор Свифт асосий вариант сифатида танланган. Манбага кўра, Spotify билан шартнома деярли тайёр ва клуб бу қарордан қайтиши даргумон.
Май ойидаги “Эл-Класико” ва чемпионлик пойгаси
Мазкур учрашув мавсумнинг энг муҳим баҳсларидан бири бўлиши кутилмоқда. Ҳозирда “Барселона” ва “Реал Мадрид” АПЛ жадвалида 60 очкодан жамғарган, бироқ Ҳанси Флик шогирдлари битта кам ўйин ўтказган. Шу боис, “Эл-Класико” чемпионлик тақдирини ҳал қилиши мумкин.
Тейлор Свифт кетма-кет иккинчи йил Spotify’да энг машҳур ижодкор бўлди. 2024 йилда унинг қўшиқлари 26,6 миллиард марта тингланган. “Барселона”нинг ушбу қарори маркетинг жиҳатдан катта аҳамиятга эга ва жамоага тижорий фойда келтириши мумкин.
Бироқ, мухлислар “Барса”нинг бу келишуви клуб тарихига мос эмас деб ҳисобламоқда. Улар раҳбариятдан бошқа вариантларни кўриб чиқишни талаб қилмоқда.