Микель Артета: «Ҳакими бизга қарши иккинчи ўйинда майдонга тушмаслиги керак эди»
Эслатиб ўтамиз, "Арсенал" жамоаси Чемпионлар лигаси ярим финалида Парижнинг ПСЖ клубига икки ўйин натижаларига кўра (0:1 ва 1:2) мағлуб бўлиб, мусобақа финалига йўл ола олмади.
Айнан биринчи ўйиндаги ҳолат Лондон клубининг бош мураббийини жиддий ташвишлантирган. Ушбу баҳснинг 87-дақиқасида парижликлар ҳимоячиси Ҳакими ўз жарима майдони атрофида "Арсенал" футболчиси Габриэль Мартинеллини қўпол тарзда тўхтатган эди. Бу пайтда Ҳакимида аллақачон бир сариқ карточка мавжуд бўлган. Аммо Словениялик ҳакам Славко Винчич унга иккинчи сариқ карточкани кўрсатмаган ва натижада Ҳакими майдонда қолиш имкониятини олган эди.
Иккинчи жавоб учрашувида эса Ашраф Ҳакими яна майдонда ҳаракат қилиб, 72-дақиқада жамоаси фойдасига гол киритишга муваффақ бўлди. Бу ҳолат эса "Арсенал" учун қийин вазият яратган.
Артета ушбу вазият ҳақида матбуот анжуманида ўз муносабатини билдириб ўтди:
«Бизга қарши ўйнаган Ҳакими учрашувнинг сўнгги 10 дақиқасида майдонда бўлмаслиги лозим эди. Шундан келиб чиқиб, иккинчи учрашувда у умуман қатнашмаслиги керак эди. Баъзан футболда шундай тасодифий ва адолатсиз вазиятлар учраб туради», — деди испаниялик мутахассис.
Ҳозирги вазиятда "Арсенал"нинг финалга чиқиш имкониятидан маҳрум бўлиши билан боғлиқ Артета томонидан билдирилган норозилик кенг муҳокама қилинмоқда.