Татарстан Фотографлар берлегендә Юлай Низаевның мини-фотокүргәзмәсе үтәчәк
29 майда, 18.00 сәгатьтә Татарстан Фотографлар берлеге әгъзасы, «Татар-информ» мәгълүмат агентлыгы һәм «Интертат» электрон газетасы журналисты Юлай Низаевның «Чәчү барышы һәм авыл объективта» дип аталган мини-фотокүргәзмәнең презентациясе булачак. Очрашу ТР Фотографлар берлеге офисында үткәреләчәк.
«Әлеге мини-фотокүргәзмә игенчеләрнең һәм авыл хезмәтчәннәренең фидакарь хезмәтенә багышлана. Аларның хезмәт сөючәнлеген һәм рекордлы уңышка омтылуларын данлый. Тәкъдим ителгән фотосурәтләр – төрле елларда ясалган. Журналист командировкалар вакытында авыл хуҗалыгы үсеше һәм проблемалары темаларын яктыртып, үзләрен авылга һәм туган җиргә багышлаган ватандашларының хезмәтен фотолар аша да тарих битләренә теркәргә тырыша», – диелә ТР Фотографлар берлегенең социаль челтәрләрендәге рәсми төркемнәрдә.
Бу безнең яшь коллегабызның беренче дебютларының берсе генә, диләр берлектә.
- Юлай Низаев – 2022 елдан Татарстан Республиксы Фотографлар берлегенә кабул ителгән. Шулай ук РФ һәм ТР Журналистлар берлеге әгъзасы.