Tatar-inform.tatar

Бу атнада Татарстанда уртача тәүлеклек температура климатик нормадан 5-8 градуска югарырак булачак. Бу - март уртасы өчен аномаль температура. ТР Гидрометеорология һәм әйләнә-тирә мохитне күзәтү идарәсе башлыгы Феликс Гоголь бүген «Татар-информ» агентлыгына шул хакта хәбәр итте.

Татарстан таможнясы хезмәткәрләре Казанда яшәүче 50 яшьлек ир-атка карата чит илгә законсыз рәвештә акча алып чыккан өчен җинаять эше кузгатты. Таможня матбугат хезмәтендә «Татар-информ» агентлыгына белдерүләренчә, ир-ат Төркиягә законсыз рәвештә 60 миллион сумга якын акча җибәргән.

Татарстан башкаласының Совет районында халык саны якын киләчәктә 18 мең кешегә артачак. Казан башкарма комитеты җитәкчесе Рөстәм Гафаров мэриядәге эшлекле дүшәмбедә шул хакта хәбәр итте һәм районның заманча торак үзәге буларак актив үсүен билгеләп үтте.

Шри-Ланканың Россиядәге Гадәттән тыш һәм Тулы вәкаләтле илчесе Шобини Каушала Гунасекера Татарстан Республикасының Россия Федерациясендәге Тулы вәкаләтле вәкиллегендә булды. Бу хакта Тулы вәкаләтле вәкиллек матбугат хезмәте хәбәр итә.

Татарстанның Лениногорск районындагы спорт комплексы директоры үзенә ышанып тапшырылган объектта инвалидларга тиешле шартлар тудырмаган өчен хөкем ителәчәк.

18 мартта Татарстанның төп телебашнясында төсле утлар кабыначак. Акция Кырым һәм Севастополь Россиягә кушылуның унике еллыгына багышлана.

«Бердәм Россия» ТР Дәүләт Советында бушаган урынга үз кандидатын тәкъдим итәргә ниятли. Азат Җиһаншин ТР экология һәм табигый ресурслар министры вазифасын биләп, депутат вәкаләтләрен өстеннән төшергәннән соң гыйнвар аенда парламентта вакансия барлыкка килде.

Быел Идел апрельнең өченче декадасында тулысынча боздан ачылачак. ТР Гидрометеорология һәм әйләнә-тирә мохитне күзәтү идарәсе башлыгы Феликс Гоголь бүген «Татар-информ» агентлыгына шул хакта хәбәр итте.

Мәскәү өлкәсендә VII сыйныф укучысы яшьтәшенә пычак белән һөҗүм иткән. Зыян күрүчене хастаханәгә озатканнар. Бу хакта ТАСС агентлыгы яза.

Татарстанның Алабуга районында яшәүче тыл хезмәтчәне Зоя Кожевникова бүген 95 яшьлек юбилеен билгеләп үтә. Бу хакта ТР Хезмәт, халыкны эш белән тәэмин итү һәм социаль яклау министрлыгы матбугат хезмәтендә хәбәр иттеләр.