«Авыл лидерлары» конкурсына гаризалар кабул итү 19 октябрьгә кадәр озайтылды
«Россия авыл яшьләре берлеге» бөтенроссия яшьләр иҗтимагый оешмасы һәм Бөтенроссия җирле үзидарәне үстерү ассоциациясе, «Бердәм Россия» бөтенроссия сәяси партиясе белән партнерлыкта «Авыл лидерлары» бөтенроссия яшь идарәчеләр конкурсын уздыра. Бу хакта ТР Авыл хуҗалыгы һәм азык-төлек министрлыгының матбугат хезмәте хәбәр итә.
Конкурс «Авыл өчен кадрлар» программасының үзәк чараларыннан берсе булып тора, ул «Яшьләр һәм балалар» илкүләм проектының «Россия – мөмкинлекләр иле» федераль проекты кысаларында гамәлгә ашырыла. Конкурсның максаты - авылда перспективалы идарәчеләрне һәм җәмәгатьчелек фикере лидерларын ачыклау.
Конкурс сынаулары катнашучыларның гомуми белем дәрәҗәсен, сәләтләрен, иҗтимагый-сәяси эшне белү потенциалын тикшерүгә юнәлдерелгән ике дистанцион этапны һәм компетенцияләрне комплекслы бәяләүне күздә тота торган турыдан-туры аралашу финалын үз эченә ала.
Конкурста җиңүчеләргә һөнәри һәм карьера үсешендә, «Авыл территорияләрен үстерү остаханәсе» белем бирү программасы кысаларында авыл торак пунктын яисә муниципаль берәмлекне үстерү командасын оештыруда һәм социаль, коммерциячел, инфраструктура яисә башка проектларны гамәлгә ашыруда ярдәм күрсәтеләчәк, эксперт һәм консультатив органнарны да кертеп, федераль дәүләт органнарында, төбәк башкарма хакимият органнарында һәм җирле үзидарә органнарында стажировка узу мөмкинлеге биреләчәк.
Конкурста катнашучыларны теркәү лидерысела.рф сайты аша 2025 елның 19 октябренә кадәр башкарыла.