Ямаҳа хавфсизроқ скутерини тақдим этди
Yamaha 2026 йилги Tricity 300 моделини тақдим этди ва уни ички ўрнатилган ҳаво ёстиғига эга дунёдаги биринчи уч ғилдиракли скутер сифатида таърифлади. Тизим Швециянинг хавфсизлик компанияси Autoliv билан ҳамкорликда ишлаб чиқилди ва узоқ йиллардан бери автомобиллар билан боғлаб келинадиган функцияни скутерлар сегментига олиб кирди. Бу ҳақда Rozetked.me хабар беради.
Ҳаво ёстиғи тизими корпус марказига яқин жойлаштирилган Г-сенсорга таянади. Олд томондан тўқнашув содир бўлганда, ҳаво ёстиғи рул остидан очилиб, ҳайдовчини ҳимоя қилишга ёрдам беради. Yamaha ушбу созлама кескин тормозлаш ёки ён томонга сирпаниш пайтида адашиб ишга тушмаслиги учун калибрланганини айтмоқда.
Синов маълумотларига кўра, янги технология бошнинг жиддий жароҳатланиши хавфини кескин камайтиради. Бир авария синовида бош жароҳати индекси ҳаво ёстиғисиз 6 794 балл, у билан эса 118 балл этиб ўлчанган. Одатда 500 балл кўрсаткичи ўлим хавфи чегараси деб ҳисобланади.
Хавфсизлик янгиланишидан ташқари, Tricity 300 ўзига таниш механик тўпламни сақлаб қолган. У 27,6 от кучи ишлаб чиқарадиган 292 куб см ҳажмли бир цилиндрли двигателдан фойдаланади, унга CVT трансмиссия, 13 литрли ёқилғи баки ва учта 14 дюймли ғилдирак жуфтланган. Ёқилғи сарфи ҳар 100 километрга 3,3 литр деб кўрсатилган. Ҳозирги модель тахминан 10 000 доллар нархда сотилмоқда, шу сабабли 2026 йилнинг иккинчи чорагида савдолар бошланганда янги версия қимматроқ бўлиши кутилмоқда.