Хитойда 1363 км юрадиган Лйнк & Cо 900 сотувга чиқди
Лйнк & Cо компанияси Хитойда ўзининг йирик флагман кроссовери бўлган 900 моделининг янги беш ўринли версиясини сотувга чиқарди. Автомобиль уч хил комплектацияда таклиф этилмоқда ва унинг нархи 300 мингдан 346 минг юангача этиб белгиланган. Бу ҳақда Ixbt.com хабар беради.
SPA Эво платформасида яратилган ушбу модель 490 метргача ёритувчи LED фаралар, яширин эшик тутқичлари ва панорамали том билан жиҳозланган. Шунингдек, харидорларга эксклюзив Cорона Голд ранги ҳамда турли дизайндаги ғилдирак дисклари таклиф қилинади.
Кроссовер салони замонавий технологиялар билан бойитилган бўлиб, иккита 30 дюймли 6К экран, 95 дюймли проекцион дисплей ва 12,66 дюймли рақамли асбоблар панели ўрнатилган. Ахборот-кўнгилочар тизими иккита Snapdragon 8295 процессорида ишлайдиган Лйнк Флйме Ауто 2 дастурига асосланган.
Иккинчи қатор йўловчилари учун ўриндиқларни иситиш, шамоллатиш ва 16 нуқтали массаж функциялари кўзда тутилган. Автомобилнинг юкхона ҳажми 1030 литрни ташкил этади, ўриндиқлар йиғилганда эса бу кўрсаткич 1215 литргача ошади.
Гибрид тизим 1,5 ёки 2,0 литрли двигатель ҳамда электр моторларидан иборат. Энг юқори версия 734 от кучига эга бўлиб, 100 км/соат тезликка 4,6 сонияда эришади.
CATL батареяси ёрдамида автомобиль тўлиқ қувват ва ёнилғи билан умумий ҳисобда 1363 километр масофани босиб ўтиши мумкин.