Қазақстандық 1,6 миллион доллар жүлде қоры бар турнирдің плей-офф кезеңіне шықты
Instagram-дағы бұл жарияланымды көру
FURIA (@furiagg) жариялаған жазба
Furia-ның плей-оффқа жолы9 мамырда өткен алғашқы раундта FURIA Monte командасымен кездесіп, 2:0 есебімен сенімді жеңіске жетті. Бразилиялықтар екі картада да басымдық танытып, әрқайсысын 13:3 есебімен аяқтады.Қазақстандықтың командасы агрессивті шабуылдарды жүзеге асыруда шеберлік танытып, мықты атыс пен үйлесімді ойын көрсетті.
Instagram-дағы бұл жарияланымды көру
FURIA (@furiagg) жариялаған жазба
10 мамырда екінші раунд аясында FURIA Данияның HEROIC командасымен кездесіп, қарсыласына еш мүмкіндік қалдырмады - есеп 2:0. Mirage картасында бразилиялықтар 13:4, ал Inferno-да 13:7 есебімен басым түсті.molodoy позицияларды бақылауда ерекше ойын көрсетіп, HEROIC-ке еркін қозғалуға мүмкіндік бермеді, ал команда капитаны Габриэль FalleN Толедо үздік өнер көрсетіп, 20 фраг жинады.
Осы екі матчтан кейін FURIA 2-0 рекордымен көшбасшылар қатарына қосылды.
Instagram-дағы бұл жарияланымды көру
FURIA (@furiagg) жариялаған жазба
11 мамырда үшінші раундта FURIA турнирдің басты фавориттерінің бірі - ресейлік Team Spirit командасымен бетпе-бет келді. Тартысты кездесу бразилиялықтардың 1:2 есебімен жеңілуімен аяқталды. Spirit ұжымы Dust2 және Mirage карталарын иеленсе, FURIA Overpass-та (16:12) сенімді жауап қайтарды.
Жеңіліске қарамастан, команда топ-деңгейдегі қарсыласқа қарсы жоғары дайындық көрсетіп, соңғы раундқа дейін күресе алатынын дәлелдеді. Бұл нәтиже FURIA-ны кестенің төменгі бөлігіне түсіргенімен, плей-офф үшін күрестен шығарып тастаған жоқ.
Instagram-дағы бұл жарияланымды көру
FURIA CS2 (@furia.cs2) жазбасы
Шешуші матч 12 мамырда француздық Gentle Mates ұйымына қарсы өтті. Шиеленісті серияда FURIA жеңіске деген жігерін көрсетіп, 2:1 есебімен басым түсті. Осылайша, жалпы 3-1 есебімен плей-оффқа тікелей жолдама алды.
Nuke картасында бразилиялықтар 13:11 есебімен жеңсе, Overpass-та 10:13 есебімен есе жіберді, бірақ Inferno-да қарсыласын 13:6 есебімен ойсырата жеңді.
Instagram-дағы бұл жарияланымды көру
FURIA CS2 (@furia.cs2) жазбасы
Қазіргі таңда PGL Astana 2026 плей-офф кезеңіне тағы 4 команда шықты: Team Spirit, 9z Team, MOUZ және Falcons. Ал бүгін, топтық кезеңнің соңғы күнінде төменгі тордағы 6 команда келесі кезеңнің жолдамаларын өзара сарапқа салады:
Gentle Mates - magic;
Monte - G2;
Mongolz - Aurora.
PGL Astana 2026 - ірі турнир қайтадан елордада
Еске сала кетейік, PGL Astana 2026 турнирі 9 мамырда басталды, ал плей-офф кезеңі 15-17 мамыр аралығында "Барыс Аренада" өтеді.
Турнирдің жалпы жүлде қоры 1,6 миллион долларды (743,3 миллион теңге) құрайды. Жүлде қорының 800 мың доллары (371,6 миллион теңге) ойыншыларға, ал қалған 800 мыңы ұйымдарға тиесілі. Жеңімпаз 256 мың доллар (119 миллион теңге), ал екінші орын алған команда 120 мың доллар (55,7 миллион теңге) иеленеді.
Плей-офф ойыннан шығып қалу (single-elimination) форматында өтеді. Әр матчтан кейін бір команда жарыс жолынан шығады. Ал гранд-финал best-of-5 форматында өтіп, 3 жеңіске бірінші жеткен команда чемпион атанады.
Instagram-дағы бұл жарияланымды көру
Visit Astana (@visitastana.kz) жариялаған жазба