Әлем чемпионаты - 2026: Криштиану Роналду құрамаға шақырылғаны туралы пікір білдірді

Сауд Арабиясының "Әл-Наср" клубы мен Португалия құрамасының жұлдызы Криштиану Роналду Әлем чемпионатына шақырту алуына қатысты пікір білдірді. АҚШ, Мексика және Канадада өтетін мундиаль оның мансабындағы алтыншы турнир болмақ - бұл әлі ешкім бағындырмаған белес, деп хабарлайды Tengri Sport ойыншының әлеуметтік желідегі парақшасына сілтеме жасап.
Португалия құрамасының бапкері Роберто Мартинес 2026 жылғы әлем чемпионатының іріктеу кезеңіне дайындыққа шақырылған ойыншылар тізіміне Роналдуды да қосты.
Бір күннен кейін Криштиану ұлттық құрама туралы жаңа жазба жариялады.

"Сол баяғы құштарлық пен мақтаныш сезімі. Алға, Португалия", - деді Роналду.

Айта кетейік, Криштиану Роналду Португалия құрамасы сапында 2006, 2010, 2014, 2020 және 2022 жылғы әлем чемпионаттарында өнер көрсеткен. Бұл ретте команда тек бір рет - 2006 жылы ғана жартылай финалға дейін жетті.
Сол кезде құрамында жас Роналду болған португалиялықтар жартылай финалда Франциядан, ал қола жүлде үшін өткен матчта Германиядан жеңіліп қалған еді.












Instagram-дағы бұл жарияланымды көру

Cristiano Ronaldo (@cristiano) жарияланымы


Криштиану Роналду - әлем чемпионаттарына қатысу бойынша рекордшыҚазіргі уақытта Криштиану Роналду бірнеше басқа ойыншымен бірге ең көп мундиальға қатысқандар тізімін бастап тұр.2026 жылғы Әлем чемпионатынан кейін турнир саны бойынша теңескен үш футболшы болады - Роналду, Месси және Мексика құрамасының ойыншысы Очоа алты чемпионатқа қатысқан алғашқы ойыншылар атанады.
Бұл ретте Роналду бұған дейінгі бес турнирде сегіз гол соққан.












Instagram-дағы бұл жарияланымды көру

Portugal (@portugal) жариялаған жазба


2026 жылғы әлем чемпионатында Португалия құрамасы Өзбекстан, Конго және Колумбияға қарсы ойнайды.
Португалия құрамасы 2026 жылғы Әлем чемпионатында Роналдуға қатысты шешім қабылдады