Танымал блогер Бота Мианың басы дауға қалды
Шағымның мәні неде?
Желідегі қызу талқыға feastwithwei лақап атымен танымал шетелдік креатордың видеосы себеп болды. Ол өзінің ерекше атмосфералы, жасалуы күрделі әрі кинематографиялық "қанық" роликтерімен танымал.
Instagram-дағы бұл жарияланымды көру
Wei (@feastwithwei) жарияланымы
Автор түпнұсқа роликті жасауға 60 сағатқа жуық уақыт жұмсағанын айтады. Кейін ол Бота Мияның жарнамалық интеграциясынан өзінікіне ұқсас детальдарды байқаған. Бұл жерде визуалды стильдің ұқсастығы туралы ғана емес, блогердің айтуынша, қыздың командасы тұтас фрагменттерді көшіріп қана қоймай, тіпті оның дауысын нейрожелі арқылы айнытпай салған.
Анықтама: Бота Мия (шын есімі Ақбота Нұрахын) - танымал қазақстандық инфлюенсер және блогер. Instagram-да оның бьюти-видеолары мен лайфстайлые 1,4 миллионнан астам оқырман бақылайды. Қыз тек блог жүргізумен шектелмейді, қазіргі уақытта ол сахнада бағын сынап, Mahabbat атты алғашқы синглін таныстырып үлгерді.
"Менің видеоларымды көшірсеңіздер де, жасанды интеллектіні қолдансаңыздар да маған бәрібір. Бірақ менің дауысымды және түсіру мен монтаждауға 60 сағаттан астам уақыт жұмсаған материалдарымды өзіңіздің өніміңізді жарнамалау үшін ИИ арқылы қолдансаңыз - бұл мен үшін шектен шығу", - деп атап өтті ол.
Сонымен қатар автор Бота Мияны жеке қудалау ниеті жоқ екенін, тек маңызды мәселеге - авторлық құқықты қорғауға назар аудартқысы келетінін баса айтты.
Instagram-дағы бұл жарияланымды көру
Wei (@feastwithwei) жарияланымы
Бота Мияның ұстанымы
Бота Мияның өзі бұл жағдайға қатысты көпшілік алдында егжей-тегжейлі пікір білдірген жоқ. Тек "шетелдік хейт толқынына тап болғанын" атап өтті.
@bota_mia Instagram парақшасындағы стористен скриншот
Бұл ретте Бота @feastwithwei-ді тек "осы жағдайдан контент жасап отыр" деп есептейді.
"Ол менің хабарламаларымды елеусіз қалдырып, өз аудиториясын маған қарсы айтақтатып қойды және осы жағдайдан контент жасауды жалғастырып жатыр", - деп жазды блогер.
Желі қолданушылары не дейді?
Ал пікір қалдырушылардың ойы екіге жарылды. Бірі қазақстандықты біреудің еңбегін ашықтан-ашық ұрлады деп айыптаса, енді бірі оны бүкіл әлемде мыңдаған адам қолданатын "трендті қайталады" деп қорғап жатыр.
Дегенмен, қатал пікір білдіргендер де аз емес. Пікірлерде Ақботаның өзгелердің идеясын бірінші рет иемденіп отырмағаны, ал оның командасы үшін мұндай көшірме жасау әдетке айналған сияқты көрінетіні айтылды.
Threads әлеуметтік желісінен скриншот
Заңгер пікірі
Заң тұрғысынан мұндай даулар интеллектуалдық меншік саласына жатады, деп түсіндірді заңгер Данияр Байғабатов.
Оның айтуынша, әлеуметтік желілерде және басқа да интернет-платформаларда жарияланған контент авторлық құқықпен қорғалуы мүмкін, бірақ нақты жағдайды бағалау үшін бірқатар нюансты ескеру қажет.
"Интернет пен әлеуметтік желілердегі контенттің барлығы интеллектуалдық меншікке жатады. Мұндай интеллектуалдық меншікке деген авторлық құқық, соның ішінде халықаралық құқық нормаларымен қорғалуға тиіс", - деді заңгер.
Бұл ретте, оның айтуынша, мұндай даулардағы негізгі мәселелердің бірі - шығармаға деген құқықтардың расталуы.
"Мұнда алдымен туындының алғашқы иесінің осы интеллектуалдық меншікке шынымен авторлық құқығы бар-жоғын анықтап алу керек. Мәселені осыдан бастау қажет", - деп атап өтті Байғабатов.
Заңгер мұндай қақтығыстарды қарастыру кезінде шығарма мәртебесін, оны пайдалану шарттарын және авторлықты растайтын құжаттардың бар-жоғын анықтау маңызды екенін қосты. Дәл осы мән-жайлар ықтимал шағымдар немесе сот талқылаулары кезінде шешуші рөл атқарады.
Тағы оқыңыз: Қазақстандық блогер 10 жылға сотталды