“Сұмдық“: Желіде Холандтың Мессидің тарихи хет-тригіне реакциясы тарады
Холандтың Snapchat-тағы реакциясын инсайдер Фабрицио Романо әлеуметтік желідегі парақшасында жариялады.
Скриншоттарға қарағанда, Холанд Мессидің ойынына тәнті болған.
"Месси - сұмдық", - деді норвегиялық шабуылшы.
???????? Эрлинг Холанд Snapchat-та: “Месси — нағыз ессіз”. ???? pic.twitter.com/NyKUB1vIw6
— Fabrizio Romano (@FabrizioRomano) June 17, 2026
Айта кетейік, Лионель Месси 2026 жылғы Әлем чемпионатының алғашқы матчінде Алжир құрамасының қақпасына хет-трик жасады. Бұл үшінші гол Месси үшін мундиальдардағы 16-шы гол болды және оны турнир тарихындағы ең үздік сұрмергенге айналдырды.
Холандқа келетін болсақ, ол Әлем чемпионатындағы дебюттік матчінде екі гол соғып, командасының Иракты сенімді түрде жеңуіне көмектесті.
Эрлинг Холанд Алматыда Қазақстан қақпасына гол соға алмай, жанкүйерлердің көңілін қалдырды
Еске сала кетейік, 2024 жылы Норвегия құрамасы Ұлттар лигасы аясында Қазақстанға қарсы ойын үшін Алматыға келген болатын. "Манчестер Сити" шабуылшысы алаңда толық матч өткізгенімен, қорғаушылар үштігі - Әліп, Қасым және Марочкин әлемнің ең танымал ойыншыларының бірін тоқтата білді. Ойын 0:0 есебімен тең аяқталды.
Ойыннан бір күн бұрын көптеген жас жанкүйер жаттығудан кейін жұлдыздан қолтаңба алуға тырысқан, бірақ Холанд та, басқа ойыншылар да жанкүйерлер алдына шыққан жоқ. Оқушылардың бірі норвегиялықты алты сағаттай күткен.
Холанд пен Мбаппенің дублі, Мессидің хет-тригі: Әлем чемпионатының кезекті матчтері қалай өтті?