Жапония құрамасының футболшысы Неймарға бола желіде бәлеге қалды
Германиялық "Вольфсбургтің" 21 жастағы форварды сұхбаттарының бірінде бразилиялықтарды өзге топ-құрамалармен салыстырып, Неймар туралы ойын білдірді.
"Бразилия бұрын мықты болатын. Ал бүгін ше? Меніңше, қазір Франция мен Аргентина мықты сияқты. Ал Бразилия туралы кейінгі кездері ештеңе ести қоймадым. Ол баяғы Неймар емес. Қазір жағдайымыз жақсы деп ойлаймын", - деді футболшы.
Әлем чемпионатының 1/16 финалындағы матч қарсаңында жасалған бұл даулы мәлімдеме Бразилия құрамасының мыңдаған наразы жанкүйерін оның әлеуметтік желідегі парақшасына жинады.
"Ертең біздің Бразилия сендерден жапон сушиін жасайды!";"Оған шаян жегеннен көрі барбекюдің әлдеқайда дәмді екенін көрсетейік";"Бразилиялықтарды қорлағыңыз келсе, алдымен әлеуметтік желілеріңізді өшіріп тастауыңыз керек", - деп жазды олар.
Пікірлер арасында бұдан да өткір сөздер болды, Бразилия БАҚ-тары жанкүйерлердің шектен шығып кеткенін атап өтті.
"Бразилиялық жанкүйерлер Сиогайдың Instagram-дағы профиліне хабарламалар жаза бастады, олардың көбі елдің азиялық тұрғындарына бағытталған кемсітушілік сипатта болды", - деп хабарлайды Globo.
Instagram-дағы бұл жарияланымды көру
Публикация от 塩貝健人/Kento Shiogai (@shio_kenken)
Бразилия - Жапония: кездесулер тарихы
Бразилия мен Жапония құрамалары өзара 14 рет ойнаған. Олардың көбі жолдастық кездесу болса да, 2006 жылғы Әлем чемпионатының топтық кезеңіндегі матч және Конфедерациялар кубогі аясындағы үш кездесу бар.
Бұл текетірестер есебі 11:2:1 есебімен Бразилияның пайдасына шешілген, алайда жапондар жалғыз жеңісіне бразилиялықтармен кейінгі кездесуінде – 2025 жылдың қазанында 3:2 есебімен қол жеткізді.
Бұл текетірес тарихындағы үздік сұрмерген жаңа кездесуде де бой көрсетуі мүмкін – Неймар жапондар қақпасына 8 гол салған, оның ішінде бір матчте покер жасаған.
Instagram-дағы бұл жарияланымды көру
Neymar Jr жарияланымы (@neymarjr)
Еске сала кетейік, Әлем чемпионатының 1/16 финалындағы Бразилия - Жапония матчі бүгін, 29 маусымда Қазақстан уақытымен 22:00-де өтеді.
Бразилия мен Германия ӘЧ плей-офф кезеңінде: Қазақстанда матчтерді қайдан көруге болады?
Бұған дейін Жапония құрамасының бас бапкері Хадзимэ Мориясу командасы Бразилияны жеңіп, ӘЧ-2026 турнирінің 1/8 финалына шыға алатынына сенім білдірген болатын.
Ал Бразилия құрамасы мен мадридтік "Реалдың" жұлдызды вингері Винисиус Жуниор футбол аңыздары - Криштиану Роналду мен Лионель Мессидің жетістігін қайталады.