ФИФА дау мен бойкоттан кейін Инфантиноға қатысты шешім қабылдады
ФИФА басшылығы Рабатта (Марокко) өткен отырыс қорытындысы бойынша Джанни Инфантиноға толық қолдау көрсететінін растап, ұйым әкімшілік аппаратының 2026 жылғы Әлем чемпионатының сәтті дайындығына қосқан үлесін жоғары бағалады.
"Кездесуден кейін ФИФА-ның бас хатшысы мен оған қатысқан ФИФА басқарма мүшелері 211 мүше қауымдастық сайлаған жалғыз лауазымды тұлға ретінде ФИФА президенті Джанни Инфантиноны толық қолдайтындарын мәлімдеді. Ал ФИФА президенті бас хатшы мен ФИФА әкімшілігіне оның стратегиялық мақсаттарын жүзеге асырудағы маңызды әрі нәтижелі жұмыстары үшін ризашылығын білдіріп, қолдау көрсететінін айтты. Қатысушылар осы мақсаттарды іске асыруға ықпал ететін президент, бас хатшы және ФИФА басқармасы арасындағы үдерістерді, коммуникациялар мен өзара іс-қимылды тиімділік тұрғысынан үнемі жетілдіріп отыру қажеттігін талқылап, ортақ келісімге келді", - деп жазды ФИФА баспасөз қызметі.
FIFA leadership holds constructive and positive meeting in Rabat, MoroccoThe FIFA Secretary General and members of the FIFA Management Board in attendance reaffirmed their full support for FIFA President Gianni Infantino, as the only official elected by the 211 FIFA Member… pic.twitter.com/IlmSOq1se8
— FIFA Media (@fifamedia) August 5, 2026
Осы жиында FIFA Forward Enterprise (FFE) бастамасы да талқыланды. ФИФА бұл жобаны әзірлеу кезінде қателіктер жіберілгенін мойындады.
"Жиында FIFA Forward Enterprise ұсынысы да қаралып, онда кеткен қателіктер расталды. ФИФА кеңесі мен оған мүше қауымдастықтардың бұл үдерістен тыс қалмауы керектігі және бұл жұмыстың басқаша жүргізілуі тиіс екені туралы шешім қабылданды. Сондай-ақ ұсыныс туралы ақпарат БАҚ-қа тарап кеткеннен кейін тағы да қателіктерге жол берілгені мойындалды. ФИФА кеңесі мен мүше қауымдастықтарға жолданған жеке хатта осы олқылықтар үшін кешірім сұралып, олардың алдағы уақытта қайталанбайтынына кепілдік берілді. Қазіргі уақытта тексеру жүргізіліп жатыр, оның есебі ФИФА кеңесінің келесі жоспарлы отырысында ұсынылады", - деп толықтырды ФИФА өкілдері.
Нәтижесінде FIFA Forward Enterprise жобасы енді қаралмайтыны, ал ұйым өз беделін қорғау үшін барлық қажетті шараны қабылдайтыны мәлімделді.
"Бұған дейін ФИФА-ға мүше қауымдастықтар мен ФИФА кеңесі мақұлдауы тиіс болған жобалық ұсыныс қазіргі уақытта күн тәртібінен алынып тасталғаны хабарланған болатын. Жобаның жабылуына байланысты ФИФА бұдан былай өз адалдығына, тиісті басқару жүйесіне және процедуралық нормаларына жасалған кез келген шабуылға төзбейді және өз абыройы мен беделін қорғау үшін барлық қажетті шараны қолданады. Әрқашан үйренетін нәрсе бар, ФИФА осы тәжірибеден кейін өз үдерістерін жетілдіруді жалғастырады. Алайда, бұл жағдайда жіберілген қателіктерге қарамастан, атқарылған барлық іс ФИФА-ның нормативтік базасына толық сәйкес жүзеге асырылғанын баса айту маңызды", - деп қосты федерация баспасөз қызметі.
FIFA leadership holds constructive and positive meeting in Rabat, Morocco.More details: https://t.co/6orsmB5FMb pic.twitter.com/8SQgVzUF1z
— FIFA (@FIFAcom) August 5, 2026
ФИФА-ның Әлем чемпионаты төңірегіндегі дауы
Бұған дейін ФИФА-ның FIFA Forward Enterprise (FFE) еншілес компаниясын құруға ниетті екені белгілі болған. Ол Әлем чемпионаты мен клубтық әлем чемпионатын басқармақ еді. Бұл компанияның 20 пайызға дейінгі үлесін жеке инвесторларға сату жоспарланған.
Көптеген футбол қауымдастығы мен конфедерациялары, соның ішінде УЕФА мен КОНКАКАФ FFE құрылуына байланысты қарсы пікір білдірді.
Сондай-ақ УЕФА өкілдері егер Әлем чемпионатының меншік құқығы еншілес ұйымға берілсе, ұйымның барлық 55 мүшесі ФИФА аясындағы жарыстарға қатысудан бас тартатынын мәлімдеді.
ФИФА коммерциялық құқықтар мен операциялық қызметті қадағалайтын жаңа орган — FIFA Forward Enterprise (FFE) құру туралы даулы жоспарды растады. Бұл жеке қатысушылар мен қаржыландыруды талап етеді. УЕФА бұған түбегейлі қарсы шығып, мұны ФИФА президенті Джанни Инфантиноның саудасы деп бағалауда... pic.twitter.com/gvvJtfSzSG
— Ben Jacobs (@JacobsBen) July 28, 2026
ФИФА шешімі
Еуропа, Азия және Солтүстік Америка футбол конфедерацияларының қатаң наразылығынан кейін ФИФА президенті әлем чемпионаттарын ұйымдастыру ісіне жеке инвесторларды тарту ұсынысын кері қайтарып алды.
Шұғыл: ФИФА президенті Джанни Инфантино әлемдік футболды басқару органының ішіндегі қарсылықтар мен еуропалық елдердің бойкот жариялау қаупінен кейін Әлем чемпионатындағы үлестерді сату туралы ұсынысынан бас тартты.Толығырақ: https://t.co/KcABnBesSo pic.twitter.com/TdTMOm8oGF
— ESPN FC (@ESPNFC) July 31, 2026
ФИФА басшысы жұмыстан шығу қаупіне байланысты Трампқа жүгінді
ФИФА-ның бұрынғы басшысы даудан кейін президент лауазымын әйелге беруді ұсынды
“Кінәлілер жауап беруге тиіс“: УЕФА ФИФА-дағы даудан кейін мәлімдеме жасады