Дастан Сәтпаевтың анасы “Челси“ бапкерімен жеке кездесті
Мәдина Сәтпаева әлеуметтік желідегі парақшаларында испандық маманмен түскен суретін жариялады.
"Сізбен жеке танысқаныма қуаныштымын, Хаби Алонсо", - деп жазды ол бірге түскен суреттің астына.
Айта кетейік, бұған дейін Мәдина Сәтпаева ұлы "Челсиге" ауысқаннан кейін онымен бірге Лондонда түскен суреттерін жариялаған болатын.
Ал Дастанға келер болсақ, ол анасына деген ыстық ықыласын көпшілік алдында көрсетуден қысылмайды. "Қайратпен" бірге қатарынан екінші рет Қазақстан чемпионы атанғаннан кейін, әлеуметтік желілерде футболшының финалдық ысқырықтан кейін бірден Мәдинаны құшақтаған видеосы тараған еді.
Instagram-дағы бұл жарияланымды көру
Қазақстан Премьер-лигасының (@pflkaz) жариялаған жазбасы
Дастан Сәтпаев биыл "Челси" сапында ойнамайды
Еске сала кетейік, Дастан Сәтпаев шілде айының ортасында Лондонға қоныс аударып, "Челси" сапында бірнеше жолдастық кездесу өткізіп үлгерді. Алайда клуб басшылығы қазақстандықты Англияның екінші дивизионы – Чемпионшипте өнер көрсететін "Бернли" клубына жалға беру туралы шешім қабылдады.
Instagram-дағы бұл жарияланымды көру
Burnley Football Club (@burnleyofficial) жарияланымы
Сәтпаев жаңа клубында қашан дебют жасайды?
Трансферден кейінгі "Бернлидің" алғашқы матчінде Дастан Сәтпаев команда тізіміне енбеді. Сондай-ақ оның профилі әзірге клубтың ресми сайтында да жоқ.23 тамызда команда чемпионаттың екінші туры аясында "Вест Бромвичке" қарсы ойын өткізеді. Қазақстан уақытымен сағат 16:00-де басталатын бұл кездесу Сәтпаев үшін "Бернли" сапындағы алғашқы ойыны болуы мүмкін.
Сонымен қатар келесі аптада 18 жасар вингер Лига кубогында алғаш рет алаңға шығуы мүмкін. 26-нан 27-тамызға қараған түні оның командасы "Брэдфордқа" қарсы ойнайды.
Instagram-дағы бұл жарияланымды көру
Burnley Football Club (@burnleyofficial) жарияланымы