“Жақсы ұйықтап алдым“: Рыбакина АҚШ-тағы турнирдің 1/4 финалына шығуға не көмектескенін айтты
1/8 финалда Рыбакина ресейлік Диана Шнайдерді екі сетте 6:4; 6:4 есебімен сенімді жеңді. Қазақстандықтың айтуынша, оған сәтті берілген доп айтарлықтай көмектескен.
"Меніңше, бұл матчта берген добым жақсы шықты және маған қатты көмектесті, себебі ойынды онша сәтті бастамаған едім. Подача өз міндетін орындады деп есептеймін", - деп келтіреді теннисшінің сөзін WTA баспасөз қызметі.
Айта кетейік, Қазақстанның бірінші ракеткасы сегіз эйс орындады, оның бірін екінші сеттегі матчбол кезінде жасады.
Instagram-дағы бұл жарияланымды көру
WTA (@wta) жарияланымы
"Өте қиын болды": Рыбакина соңғы турнирлердегі жағдайды салыстырды
Цинциннати турнирінде әлемнің екінші ракеткасы әлі бірде-бір сетте ұтылған жоқ, ал алдыңғы Торонто турнирінде қазақстандықтың қарсыласын таза есеппен жеңген бір ғана матчі болған еді.
"Өзімді әлдеқайда сергек сезінемін деп айту қиын, бірақ ертең бәрі қалай болатынын көреміз. Соңғы екі түнде жақсы ұйықтап алдым, өйткені Канададан кейін бірден өте ауыр болды. Ертең не болатынын көре жатармыз.
Нәтижеге қарамастан, қазір бабында жүрген әрі үздік ойын көрсетіп жүрген қарсыласпен кездесу - алдағы АҚШ ашық чемпионатының (US Open) алдындағы жақсы дайындық деп санаймын. Канадада доп беруім онша жақсы болмады, сондықтан ертең кем дегенде бүгінгідей деңгейде подача жасай алсам, бұл өте пайдалы болады", - деп атап өтті ол.
Рыбакина басты қарсыласымен кездеседі
Еске сала кетейік, ширек финалда қазақстандық теннисші әлемнің бұрынғы бірінші ракеткасы, польшалық Ига Швёнтекпен кездеседі. Өткен аптада Рыбакина Торонто турнирінің финалында оған есе жіберген болатын.
Сол жеңістен кейін Швёнтек өзара кездесулер есебінде алға шықты - 7:6. Матч Қазақстан уақытымен 21 тамыз таңертеңге жоспарланған.
Рыбакина турнир қорытындысы бойынша әлемнің бірінші ракеткасы атануы мүмкін
Айта кетейік, Цинциннати турнирінің финалына шыққан жағдайда Елена Рыбакина өз карьерасында алғаш рет әлемдік рейтингті бастайды.
Бұл әлемнің бірінші ракеткасы, беларусьтік Арина Соболенконың 1/8 финалда чехиялық Сара Бейлектен күтпеген жерден жеңілуінің арқасында мүмкін болды.
WTA-ның лайв-рейтингінде Соболенкода қазір 8575 ұпай бар, ал Рыбакина финалға шыққан жағдайда 8576 ұпай жинайды. Цинциннати турниріндегі жеңіс қазақстандыққа 8926 ұпаймен рейтингте көш бастауға мүмкіндік береді.
Instagram-дағы бұл жарияланымды көру
Elena Rybakina ???? (@lenarybakina) жариялаған жазба
Елена Рыбакина Цинциннатидің 1/4 финалына шықты: қазақстандық кіммен ойнайды