Дәурен Қосанов қорғаныс министрі болып тағайындалды
Дәурен Қосанов қорғаныс министрі болып тағайындалды, - деп хабарлайды Tengrinews.kz тілшісі Ақордаға сілтеме жасап.
"Мемлекет басшысының Жарлығымен Дәурен Жұматайұлы Қосанов Қазақстан Республикасының Қорғаныс министрі лауазымына тағайындалды", - делінген Жарлықта.
Дәурен Қосановтың өмірбаяныҚорғаныс министрі болып тағайындалғанға дейін Дәурен Қосанов Қорғаныс министрінің орынбасары және Қазақстан Қарулы Күштерінің Әуе қорғанысы күштерінің бас қолбасшысы қызметтерін атқарды.
Дәурен Қосанов Армавир ұшқыштар жоғары әскери авиация мектебін (1990), Юрий Гагарин атындағы Әуе күштері академиясын және Ресей Федерациясы Қарулы Күштері Бас штабының Әскери академиясын бітірген.
Жылдар бойы ол келесі лауазымдарды атқарды:
Қарағанды әуе базасының штаб бастығы;
Шымкент әуе базасының қолбасшысы; Қарулы Күштердің Әуе қорғанысы күштерінің қолбасшысы;Ақтөбедегі Әуе қорғанысы күштері әскери институтының директоры;Қарулы Күштердің Әуе қорғанысы күштерінің бас қолбасшысы;Қорғаныс министрінің орынбасары және Қарулы Күштердің Әуе қорғанысы күштерінің бас қолбасшысы.
Ол "Әскери ұшқыш-снайпер" атағына ие және авиация генерал-лейтенанты.
Сілтемесіз жаңалық оқисыз ба? Онда Telegram желісінде парақшамызға тіркеліңіз!