Баскетболдан Қазақстан құрамасы Азиаданың ресми ашылуына дейін жарыстан шығып қалды
Азиаданың ресми басталуына әлі бес күн болса да, бағдарламаның кейбір түрлері бойынша жарыстар басталып кетті. Соның бірі - Қазақстан құрамасы қатысқан баскетбол турнирі болды.
Минус 92 айырмашылығы: баскетболшылар Азиадада қалай өнер көрсетті?
Қазақстан құрамасы Бахрейн, Қытай және Филиппинмен бір топқа түсті. Турнирдің басында команда қытайлықтардан 61:99 есебімен ұтылса, екінші матчте филиппиндіктерге 78:109 есебімен есе жіберді.
Бұған қарамастан, үшінші ойын алдында плей-оффқа шығу мүмкіндігі сақталған еді. Себебі 1/4 финалға әр топтан үздік екі команда ғана емес, үшінші орын алған ең үздік ұжым да жолдама алады.
Алайда регламентті пайдалану мүмкін болмады - қазақстандықтар Бахрейнге 101:78 есебімен жол беріп, топта соңғы орынмен турнирді аяқтады.
Instagram-дағы бұл жарияланымды көру
???????????????? ???????? ???????????????????????????????????? ???????????????????????? (@qaz_team_official) парақшасынан жарияланым
Айта кетейік, баскетболдан Қазақстан ерлер құрамасының қоржынында Азиаданың қола жүлдесі бар (2002 жыл). Дегенмен, 2018 және 2023 жылдары команда үздік сегіздікке ене алмады.
Қазақстан баскетболында не болып жатыр?
Еске сала кетейік, Қазақстан құрамасы Азия ойындарын бастаудан бірнеше ай бұрын ұлттық команданың бұрынғы базалық клубы - "Астана" кәсіби клуб ретінде таратылып, резерв дайындау режиміне ауысқан болатын. Бұған команданың ВТБ Бірыңғай лигасындағы қанағаттанғысыз нәтижелері себеп болды.
Қазақстан Туризм және спорт министрлігі бұл шешімді клуб бір жылдық үзілістен кейін ВТБ Бірыңғай лигасына қайта оралатынын жариялап қойған кезде қабылдады. Осылайша, ойыншылардың жаңа жұмыс орнын тауып үлгеруіне іс жүзінде уақыт қалмаған.
Ведомство ақпаратынша, "Астана" БК-на 2023 жылдан 2026 жылға дейін 7,2 миллиард теңге (жыл сайын 1,8 миллиард теңгеден) бөлінген.
Қазақстан құрамасында маусымды "Астана" сапында бастауы тиіс болған екі ойыншы - Рустам Мырзағалиев пен Асқар Майдекин өнер көрсетті.
Бұдан бөлек, маусым басталмас бұрын Қазақстан чемпионатынан шығатынын қазіргі чемпион - Ақтаудың "Каспийі" мәлімдеген еді. Алайда олардың қаржыландыру мәселесі мәлімдемеден кейін екі күн өткен соң шешіліп, команда лигаға қайта оралды.