Екі айдан аса еңбекке жарамсыздық: Қазақстанда не өзгереді?

Қазақстанда адамның екі айдан астам еңбекке уақытша жарамсыздық мерзімі белгіленген аурулар тізімін нақтылау жоспарланып отыр. Денсаулық сақтау министрлігінің тиісті бұйрық жобасы "Ашық НҚА" порталында жарияланды, деп хабарлайды Tengri Health.
Нені өзгерту ұсынылып отыр?
Біз пікір алу үшін жүгінген Денсаулық сақтау министрлігі аурулар тізімі өзгермейтінін және жаңа аурулармен толықтырылмайтынын атап өтті.Өзгеріс бұл аурулар ресми құжаттарда қалай белгіленетініне қатысты. Денсаулық сақтау министрлігі әрбір ауруға Аурулардың халықаралық жіктемесі (АХЖ) кодын қосуды ұсынады.
Анықтама: Аурулардың халықаралық жіктемесі (АХЖ) коды - бұл медициналық диагноздар мен жағдайларды бірыңғай белгілеу үшін қолданылатын, бүкіл әлемде танылған әріптік-цифрлық шифр. Ол латын әрпінен және сандардан тұрады (мысалы, A00.0). Әріп аурулардың белгілі бір класын білдіреді (барлығы 22 класс бар). Әріптен кейінгі бірінші сан нақты айдарды көрсетсе, нүктеден кейінгі белгі диагнозды (кіші айдарды) нақтылайды.

"Өзгерістер құжаттағы ауруларды бүкіл ел бойынша біркелкі анықтауға бағытталған. Бұл ауруды дәл анықтауға және тізімді практикада қолдану кезінде әртүрлі түсіндіруді болдырмауға мүмкіндік береді", - делінген құжатта.

Қарапайым тілмен айтқанда, егер аурудың бірнеше формасы немесе нұсқасы болса, ХАК коды нақты қай форма тізімге жататынын анықтауға көмектесуі тиіс.
Тізімге қандай аурулар кіреді?
Аталған тізім 2015 жылдан бері қолданылып келеді. Оған адамға ұзақ уақыт емделу мен оңалу қажет болатын аурулар кіреді.
Мысалы, олар:

сальмонеллездік септицемия (сальмонеллез инфекциясының ауыр түрі);ботулизм, асқынған түрі (қауіпті инфекциялық ауру);туберкулездің кейбір түрлері;оба;түйнеме, өкпелік түрі;бруцеллез, декомпенсация сатысындағы созылмалы өткір және ауыр дәрежедегі өткірге жуық түрі, ;құтыру;өткір полиомиелит (жүйке жүйесін зақымдайтын инфекциялық ауру) және басқалар.

Аурулардың толық тізімін мына жерден көруге болады.
Жобаны қоғамдық талқылау 2026 жылдың 5 қазанына дейін жалғасады.
Бұған дейін еңбекке жарамсыздық парағына кімдердің құқығы бар екенін егжей-тегжейлі талдаған болатынбыз. Оны өткен күнмен ашуға бола ма? Ауырған кезең үшін кім төлейді? Егер ауру созылып кетсе не істеу керек және жұмысшы емделіп жатқанда оны жұмыстан шығара ала ма? Толығырақ мына жерден оқыңыз.
Тағы оқыңыз: “Дәрігер де қателесуі мүмкін“. Неге Қазақстанда және басқа елдерде бұл туралы айтылмайды?
Медицинаға қатысты шағым көбейді: халық неге наразы?Қазақстандағы скринингке арналған демалыс: не өзгерді?