12 жылдан кейінгі алғашқы Азиада алтыны: Төрехан Сабырхан қалай тарихқа енді?
Instagram-дағы бұл жарияланымды көру
Kazakhstan Olympic Team (@olympickz) жариялаған жазба
Қазақстан бұған дейінгі алтынды 2014 жылы иеленген
Сабырханның жеңісіне дейін қазақстандық боксшылар Азия ойындарының ең биік тұғырына 2014 жылы Инчхонда (Оңтүстік Корея) көтерілген болатын. Ол кезде Қазақстан құрамасы бокс турнирінде алты алтын медаль жеңіп алып, жарыстың медальдық есебінде алғаш рет көш бастаған еді. Ол кезде мына спортшылар чемпион атанды:
Ілияс Сүлейменов (52 келіге дейін);
Данияр Елеусінов (69 келіге дейін);
Жәнібек Әлімханұлы (75 келіге дейін);Әділбек Ниязымбетов (81 келіге дейін);
Антон Пинчук (91 келіге дейін);
Иван Дычко (91 келіден жоғары).
Сол кезде қазақстандық боксшылар барлығы 10 медаль (6 алтын, 2 күміс және 2 қола) алды. Бұл нәтиже Қазақстанның Азия ойындарындағы бокс бәсекесіндегі ең үздік көрсеткіші болып қала береді.
Алтынсыз өткен 12 жыл2014 жылғы салтанатты жеңістен кейін ең жоғары дәрежелі медальдарсыз ұзақ үзіліс басталды. 2018 жылғы Джакартадағы (Индонезия) Азиадада қазақстандықтар тек екі күміспен шектеліп, алтынсыз қалды. Жүлделерді Асланбек Шымбергенов (69 келіге дейін) пен Әбілхан Аманқұл (75 келіге дейін) иеленді.
Instagram-дағы бұл жарияланымды көру
Асланбек Шымбергеновтың (@aslanbek_shymbergenov) жариялаған жазбасы
2022 жылғы Ханчжоуда (Қытай) өткен Ойындарда жағдай қайталанды: екі күміс (Карина Ибрагимова - 57 келіге дейін және Қамшыбек Қоңқабаев - 92 келіден жоғары) және үш қола (Асланбек Шымбергенов - 71 келіге дейін, Сағындық Тоғамбай - 92 келіге дейін, Наталья Богданова - 66 келіге дейін), бірақ бірде-бір алтын медаль болмады.
Төрехан Сабырхан деген кім?
Төрехан Сабырхан - қазақ боксының ең жарық таланттарының бірі. Ол 19 жасында World Boxing нұсқасы бойынша 2025 жылғы әлем чемпионы (Ливерпульде), жасөспірімдер мен жастар арасындағы Азияның төрт дүркін чемпионы, 2024 жылғы жастар арасындағы әлем чемпионы атанды.
Instagram-дағы бұл жарияланымды көру
Төрехан Сабырханның (@sabyrkhantorekhan) жазбасынан
2026 жылғы Азиадада ол турнир жолын сенімді өтті: катарлықты 5:0 есебімен жеңді,, ширек финалда ирактықты нокаутқа түсірді. Ал жартылай финалда өзбекстандықтан 5:0 есебімен басым түсті. Ал финалда Ишаишті айқын басымдықпен жеңді (бұған дейін 2026 жылдың сәуірінде Сабырхан Азия чемпионатының финалында оған есе жіберген болатын).
Instagram-дағы бұл жарияланымды көру
Kazakhstan Boxing Federation (@boxingkazakhstan) жариялаған жазба