Иран АҚШ-ты қолдаған Таяу Шығыс елдеріне ультиматум қойды
Иран Таяу Шығыс елдеріне Тегеран мен Вашингтон арасындағы соғыс қимылдары қайталанған жағдайда АҚШ-қа қолдау көрсетуден бас тарту туралы ультиматум жолдады, деп хабарлайды Tengrinews.kz тілшісі РИА Новостиге сілтеме жасап.
Бұл туралы агенттікке Иран парламентінің ұлттық қауіпсіздік және сыртқы саясат жөніндегі комиссиясының мүшесі Феда-Хосейн Малеки мәлімдеді.
"Өңір елдеріне АҚШ-қа кез келген қолдау көрсетуден бас тарту туралы ультиматум берілді. 40 күндік соғыс кезінде (Иранда АҚШ-тың Ислам Республикасына қарсы 2026 жылғы ақпан-наурыздағы әскери қимылдарын осылай атайды – ред. ескертпесі.) біз АҚШ Иранға шабуыл жасау үшін пайдаланған кез келген елдің аумағындағы базаларға соққы жасадық", - деді Малеки.
Сонымен қатар ол Иранның Таяу Шығыстағы Америка Құрама Штаттарының әрекеттерін бақылап отырғанын және егер америкалық армия Ислам Республикасына қарсы әскери қимылдарды қайта бастаса, жауап қайтару операцияларының жаңа тактикасын қолдануға дайын екенін хабарлады.
"Әскери аспектіге келетін болсақ, біз америкалықтардың өңірдегі және Ормуз бұғазы маңындағы әрекеттерін бақылап отырмыз. Біз қарсы тарапқа (АҚШ - ред. ескертпесі.), егер олар соғысты қайта бастағысы келсе, Иран ұрысқа операциялар жүргізу тұрғысынан да, тактикалық тәсілдерді өзгерту және жаңаларын қолдану арқылы да жаңа нұсқалармен кірісетінін мәлімдедік", - деді түсіндірді Малеки.
Бұл ретте ол Иран өзінің зымырандық әлеуетімен әлемді таңғалдырғаны сияқты, жаңа тактикалық тәсілдер де әлем мен әскери сарапшыларды "таңғалдыра алатынын" атап өтті.
Бұған дейін NBC News телеарнасы хабардар дереккөздерге сілтеме жасай отырып, АҚШ-тың Таяу Шығыс елдерінен өзінің әскери және дипломатиялық қызметкерлерін біртіндеп эвакуациялап жатқанын хабарлаған болатын, бұл ақпан айында Иранмен басталған қақтығыс кезіндегі жағдайға ұқсайды.
АҚШ пен Израиль 28 ақпанда Ирандағы нысандарға соққы жасай бастады, оған ирандық тарап өз соққыларымен жауап қайтарды. Маусым ортасында Тегеран мен Вашингтон соғыс қимылдарын тоқтату туралы меморандумға қол қойды, бірақ кейінірек тағы да өзара соққылар алмасты. Қақтығыс әлі де реттелмеген күйінде қалып отыр.
“Бастаған істі аяқтауымыз керек“: Нетаньяху Иранға жаңа соққылар жасалуы мүмкін екенін айтты