Қарсыласының бетінен ұрған “Миланның“ жұлдызды қақпашысы жазаланды
"Миланның" француздық қақпашысы Майк Меньян Еуропа лигасының ағылшындық "Борнмутқа" қарсы матчінде қарсыласының бетінен ұрғаны үшін алаңнан қуылды, деп хабарлайды Tengri Sport.
Шулы оқиға жалпы кезең матінің 27-минутында, есеп 1:0 болып ағылшындардың пайдасына шешіліп тұрғанда болды. Бұрыштама доп шығарылған сәтте Меньян байқаусызда америкалық жартылай қорғаушы Тайлер Адамстың бетінен алақанымен соғып жіберді.
Америкалық футболшы газонға құлап, төреші бірден қызыл қағаз көрсетті. Бес минуттан кейін – екінші қақпашы алмасуға шығып үлгергенде – "Борнмут" пенальтиді сәтті орындап, есепті 2:0-ге жеткізді.
Нәтижесінде ойын 3:0 есебімен аяқталды – бұл "Миланның" Еуропа лигасының биылғы маусымындағы екінші жеңілісі.
???????????????????????????? Мен ешқашан бұрыштама кезінде қақпашының қызыл қағаз алғанын көрген емеспін https://t.co/e5GoDvPmJq
— FUTEMENTALES (@FUTEMENTALES) 22 қазан, 2026
Айта кетейік, бұл "Милан" үшін Еуропа лигасының қатарынан екі матчіндегі екінші қызыл қағаз. Бұған дейінгі "РБ Зальцбургқа" қарсы ойында Террачанно алаңнан қуылған болатын, бірақ бұл команданың 4:0 есебімен сенімді жеңіске жетуіне кедергі болмады.
Еске сала кетейік, қазір команданы "Манчестер Юнайтедтің" бұрынғы жаттықтырушысы Рубен Аморим басқарады. Италия чемпионатында "Милан" көш бастап тұрған "Интерден" 4 ұпай қалып қойып, төртінші сатыда келеді.
"Ақымақ адамдар" - "Қайрат" жаттықтырушысы еурокубоктағы ойсырай жеңілістен кейін айтылған сын туралы