Дебют және камбэк: Қазақстан құрамасы Азия чемпионатында алғашқы ойынын өткізді
Оңтүстік Кореяда өтіп жатқан Азия чемпионатының алғашқы матчінде қазақстандықтар алдымен шайба өткізіп алды. Жапондықтар басымдығын пайдаланып 4-минутта есеп ашты.
Екінші кезеңнің ортасына қарай Мұхаметов пен Мигунов соққан шайбалардың арқасында біздің команда алға шықты, алайда жапондықтар сан басымдығын сәтті пайдаланып, екінші жиырма минуттың аяғына қарай есепті 2:2-ге жеткізді.
Үшінші кезеңде Қазақстан құрамасы сан басымдығын сәтті пайдаланды – негізгі уақыттың аяқталуына 10 минут қалғанда Кирилл Никитин команданы алға шығарды.
Instagram-дағы бұл жарияланымды көру
Kazakhstan Ice Hockey Federation (@kazakhstanhockey) жарияланымы
Кезең аяқталуға үш минут қалғанда жапондықтар есепті теңестіру үшін қақпашының орнына алтыншы ойыншыны шығарғанымен, бұл оларға көмектесе алмады.
Матч нәтижесі: 3:2 есебімен Қазақстан құрамасы жеңіске жетті.
Айта кетейік, Азия чемпионатында Қазақстан құрамасы сапында "Барыстың" бір ғана ойыншысы - жас қақпашы Владислав Нурек өнер көрсетіп жүр. Команда негізінен Қазақстан чемпионаты хоккейшілерінен құралған.
7 және 8 қарашада біздің команда Қытай мен Оңтүстік Корея құрамаларына қарсы ойнайды. Азия чемпионатында қазақстандықтар былтырғы чемпиондық атағын қорғап жатыр.
Роман Старченконың бапкер ретіндегі дебюті
Турнир басталмас бұрын ұлттық құраманың жаттықтырушылар штабына Роман Старченко қосылған болатын. Ол жазда ойыншы ретіндегі мансабын аяқтауға шешім қабылдаған атақты шабуылшы. Азия чемпионатында бас бапкер Талғат Жайлауовтың ассистенті қызметін атқарып жатыр.
Роман Старченко "Барыста" 17 маусым өткізіп, бір команда құрамында ойнаған матчтер саны бойынша ҚХЛ рекордын орнатты (819). Лигада 871 матч өткізіп (мансабының бір бөлігінде мәскеулік "Спартакта" ойнады), 215 шайба соқты, сондай-ақ 209 нәтижелі пас берді.
Бұдан бөлек, Старченко Қазақстан құрамасы сапында 18 Әлем чемпионатына (оның 10-ы – элиталық дивизионда) қатысты. Екі мәрте Азия ойындары алтынын жеңіп алып, Азия чемпионы атанды.
Старченко хоккейдегі соңғы маусымын "Номад" сапында аяқтап, кейін команданың жаттықтырушылар штабына қабылданды.
Instagram-дағы бұл жарияланымды көру
Kazakhstan Ice Hockey Federation (@kazakhstanhockey) жарияланымы
Қазақстан құрамасының қақпашысы гол соғып, командасына жеңіс сыйлады
Қазақстан құрамасының дебютанты Канададан оралуына қатысты пікір білдірді