Чит ил паспортының икенчесен дә алып куй
“Минем иске төрдәге чит ил паспортым бар. Ә икенчене- яңа төрдәгесен ничек рәсмиләштерергә?
Т. Салахова”.
Бу сорауга Россия Федераль Миграция службасы идарәсенең Татарстан Республикасы буенча Балык Бистәсе районындагы территориаль пункты началнигы Әлфия Әльмөхәммәтова җавап бирә:
-2015 елның 15 декабреннән “Россия Федерациясеннән чыгу һәм Россия Федерациясенә керү тәртибе турында”гы Федераль Закон үз көченә керде. Аның нигезендә, гамәлдәге чит ил паспорты булган Россия Федерациясе гражданнары икенче чит ил паспорты рәсмиләштерә алалар. Икенче паспорт сыйфатында электрон мәгълүматлы булган яңа төр паспорт бирелә.Бу очракта ике чит ил паспортының гамәлдә булу сроклары бер-берсенә бәйле түгел. Икенче чит ил паспорты 10 елга бирелә.
Фото: редакция архивыннан алынды.