ИСЕГЕЗДӘН ЧЫГАРМАГЫЗ!
Көнкүрештә янгын очраклары еш кына газ приборларыннан файдаланганда тиешле таләпләрне үтәмәү нәтиҗәсендә килеп чыга. Торбалар тоташкан урыннарның һәм башка узелларның герметиклыгы кимү, вакытында чистартылмаган горелкалардан газ чыгып тору фаҗигагә китерергә мөмкин.
Сыегайтылган табигый газ һава белән кушылып, шартлаучан матдә хасил итә. Шуңа күрә дә бүлмәдә газ исе килгәндә, шырпы сызарга, электр кабызгычлардан файдаланырга ярамый, шулай ук авызга тәмәке капкан килеш газ исе килеп торган бүлмәгә керү дә аянычлы төгәлләнергә – шартлау барлыкка килергә мөмкин.
Газ плитәсе, хисаплау приборлары урнашкан бүлмәне, җиһазларны даими тикшереп торырга кирәк, ләкин шырпы ярдәмендә түгел. Тикшерү өчен сабынлы сыекча ясала.
Хуҗабикәләр еш кына плитә өстенә зур-зур баклар, кәстрүлләр утырта. Болай эшләргә туры килгәндә, төп белән горелка арасын биегәйтү өчен конфорка боҗралары куярга киңәш ителә.
Бүлмәдәге һава суыру юлларын да даими тикшереп, чистартып торырга кирәк. Ул суырмаганда колонкаларны кабызырга ярамый. Һава юлларының суыруын тикшерү өчен, кәгазь куеп карарга була. Яхшы эшләгән һава юллары кәгазьне бик тиз суырып ала. Суыру начар булганда, ялкын да начар була, ул конфоркадан читкә китә.
Газ плитәсен дә чиста тотарга кирәк, аеруча горелкаларга игътибарлы булу зарур. Горелка корпусларын, колпачокларны айга бер мәртәбә сабынлы су белән юып алырга киңәш ителә. Духовканы да янып бетмәгән шырпы, ризык калдыклары белән чүпләмәскә, чистартып торырга кирәк.
Бакча йорты, шәхси йортларда кулланылучы газ баллонлы җиһазлар аулак стена ягында, йортка керү ишегеннән 5 метрдан да ким булмаган ераклыкта кабынып китү куркынычы булмаган янкормада, цоколь яки баз өлешендә урнашырга тиеш. Бинада өч баллоннан да артык тотарга ярамый. Газ баллоны өчен янкорма яки шкафлар йозакка бикләнгән, җилләтү өчен жалюзи белән тәэмин ителергә, шулай ук “Куркыныч. Газ” дигән язу да эленергә тиеш.
Хәвеф-хәтәр булганда, кичекмәстән, 01, 7-40-01, кәрәзле элемтә аша 101, 010,112 телефоннарына шалтыратыгыз.