“Samir 7 il sonra gəldi və onların əlindən çempionluğu aldı”
Qarabağ Azərbaycan Premyer Liqasının 3-cü turunda qarşılaşdığı Neftçi`ni 2:1 hesabı ilə məğlub edib.
ONBİR son çempionun baş məşqçisi Samir Abasovun açıqlamalarını apasport.az`a istinadən təqdim edir:
“Birinci hissəyə pis başlamadıq. Səhvdən sonra heç nədən qol buraxdıq. Qol buraxandan və səhv edəndən sonra oyun dəyişir. İndi nəsə demək çətindir. Bəzi oyunçuların belə oyunlarda təcrübə yığmadılar. Birinci və ikinci hissə tamam fərqli idi. Mərt Çelik ikinci hissədə daha yaxşı oynadı. Mənim birinci yarı bitəndən sonra ona yaxınlaşmağım futbolçuya təzyiq yaratmadı. Yusuf Lawal`ın üstündə çox durmuşduq. Onun oyununun alınmamağı rəqiblə bağlı idi. Həmin bölgədə futbolçumuza rahatlıq vermədilər. Maccabi ilə səfər oyunu istisna hər matçda qol vururuq. Bəlkə bu gün bir az tələsgənlik oldu deyə yeni transfer Machedo qol vura bilmədi.
Start heyətdə 5 azərbaycanlı futbolçu olmalıdır. Bu, zərurətdir. Famil Camalovu bu səbəbdən görüşün əvvəlində meydana buraxdım. İki hücumçudan birini oynatmalıyıq. Familə inamımız itmir. Təki oyunçular çox olsun və biz baş sındıraq ki, kimi oynadaq.
Klub rəhbərliyi ilə danışıb limit məsələsini qabartmağa çalışacağam. Fikirləşirəm ki, limit götürülsə, Azərbaycan futbolu üçün yaxşı olacaq. Kim güclüdürsə, o da oynamalıdır.
İsmayıl Zülfüqarlıya niyə ona şans verməyək? İsmayıl necə böyüsün və İnkişaf etsin? Çempionatdakı limit məsələsi də nəzərə alınmalıdır. Başqa kimi oynada bilərəm?”
Rəqib azarkeşlərin onu istefaya səsləməsi haqqında:
“Onlara meydanda verdiyim cavab ağır idi. Onu burada mətbuata deyə bilmərəm. Onların belə etməsi mənim üçün yaxşıdır. Samir 7 il sonra gəldi və onların əlindən çempionluğu aldı. Əlbəttə onlar üçün Samirin getməyi yaxşıdır”.