Назіраць за прыродай, не пакідаючы Варшаву
На прагулках можна даведацца пра віды птушак, якія жывуць пабач з намі, пазнаць багаты свет насякомых, ці даведацца пра расліны, якія можна з'есці, ці выкарыстаць у лячэнні.
Паказаць багацце прыроды, якая нас акружае нават у цэнтры горада. Гэта адна з мэтаў цыклу прагулак «Іх място», якія праводзяцца ў Варшаве.
На прагулках можна даведацца пра віды птушак, якія жывуць пабач з намі, пазнаць багаты свет насякомых, ці даведацца пра расліны, якія можна з’есці, ці выкарыстаць у лячэнні. Усё гэта і шмат чаго яшчэ можна знайсці і пабачыць у парках, скверах і іншых зялёных участках горада, – кажа Катажына Калуска з управы зялёнымі участкамі сталічнага горада Варшавы.
– Вырашылі мы з нашым партнёрам ладзіць такія адмысловыя экскурсіі, каб паказаць жыхарам горада, што назіраць за прыродай можна не пакідаючы горад, можна ў горадзе знайсці месцы і для адпачынку, і каб пабачыць розныя расліны, паслухаць птушак, ці паназіраць за некаторымі звярамі.
Экскурсіі праводзяць людзі з ініцыятывы «Акадэмія Дзікай Ахоты», назва якой узятая ад аднаго з раёнаў Варшавы.
Кажа Станіслаў Лубенскі, сябра ініцыятывы – пісьменнік і прыродны эдукатар:
– Пастараемся паказаць, якая можа быць разнастайная прырода ў такім шумным, з актыўным рухам месцы, за два кіламетры ад Палаца культуры, на полі Макатоўскім. Тут шмат птушак, шмат насякомых, асабліва калі зацвітаюць кветкі. Тут трава не кошаная, прыродзе дазволена самой дзейнічаць.
На прагулкі цыкла «Іх място» можна запісвацца праз інтэнэт на сайце evenea.pl. Агулам у межах цыклу пройдзе 30 прагулак агульнадаступных і 10 прагулак для школаў.
[See image gallery at racyja.com]
Радаслаў Дамброўскі, Беларускае Радыё Рацыя