У Беластоку адбудзецца канферэнцыя, прысвечаная беларускай дзяржаўнасці
Навукоўцы з Польшчы, Беларусі і Латвіі збяруцца ў Беластоку на Міжнароднай канферэнцыі, прысвечанай беларускай дзяржаўнасці і асобе Івана Луцкевіча. Галоўным арганізатарам мерапрыемства з’яўляецца Беларускае Гістарычнае Таварыства.
Адзін з арганізатараў канферэнцыі прафесар Універсітэта ў Беластоку Алег Латышонак паведаміў, што арганізатары вырашылі прысвяціць канферэнцыю Івану Луцкевічу, 100-годдзе якога сёлета адзначалася, паколькі пра яго замала гаворыцца як пра пачынальніка беларускай дзяржаўнасці.
Алег Латышонак:
– Я вельмі цешуся, што адгукнуліся на гэтую прапанову вучоныя і з Беларусі, і нават з Латвіі. Так што будзе міжнародная канферэнцыя. На пятніцу запланаваны адмысловы блок, прысвечаны Івану і Антону Луцкевічам, прагучаць даклады пра іх дзейнасць і адбудзецца адкрыццё выставы, падрыхтаванай Віленскім беларускім музеем імя Івана Луцкевіча «Іване, жыві…». Гэтая выстава ўпершыню была паказана ў Вільні. Цяпер яе можна будзе паглядзець у Беластоку. І спадзяюся, яна паедзе па Беласточчыне.
Канферэнцыя адбудзецца ў Цэнтры праваслаўнай культуры 28 і 29 лістапада.
Беларускае Радыё Рацыя