Чым пахне бацькоўскі кут?
Чым пахне бацькоўскі кут, татава хата? У памяці кожнага з нас ёсць свой успамін, свае кропелькі пахаў, з якіх ствараецца гэты водар. А чым пахне водар татавай хаты лідчанкі Наталлі Тананушкі, чытачы даведаюцца з яе артыкула, які апублікаваны ў свежым сакавіцкім электронным выданні “Наша слова.pdf”. Найперш гэта, як піша аўтарка, з водара яблыка антонаўкі, малака, летняй раніцы, скошанай травы, летняй навальніцы і з водара ліпавага мёду. Але галоўнае не тое, што гэта за водар – галоўнае, што нідзе і ніколі ні на хвіліну ён не пакідае цябе, пераследуе і атуляе ўсюды…
Шмат старонак у “Нашым слове. pdf” адведзена водгукам напісання Агульнанацыянальнай беларускай дыктоўкі і Міжнароднаму Дню роднай мовы. Выданне шырока асвятлае, як прайшлі мерапрыемствы да гэтага свята ў Лідскім, Шчучынскім, Наваградскім, Капыльскім і Мастоўскім раёнах.
Распавядае свежы нумар выдання і пра тое, як у Лідзе праводзілі зіму, як прайшло ў Гародні свята “Казюкі” і шмат іншай публікуецца свежай інфармацыі. Поўнасцю новы нумар “Нашага слова.pdf” чытайце тут.
Беларускае Радыё Рацыя