Лаўроў незадаволены праектам мірнага пагаднення, які падрыхтавала Украіна
Сяргей Лаўроў незадаволены праектам мірнага пагаднення, які падрыхтавала Украіна.
Паводле міністра замежных спраў Расеі, у гэтым праекце Украіна адышла ад дамоўленасцяў, дасягнутых 29 сакавіка на перамовах у Стамбуле:
«У стамбульскім дакуменце ўкраінцы выразна сфармулявалі, што будучыя гарантыі бяспекі Украіны не распаўсюджваюцца на Крым і Севастопаль. Ва ўчорашнім жа праекце гэтая дакладная канстатацыя адсутнічае. Замест яе прапануюцца размытыя фармулёўкі аб нейкім „эфектыўным кантролі“, прычым па стане на 23 лютага».
Таксама Лаўроў выказаў незадаволенасць пазіцыяй Кіева адносна правядзення вайсковых вучэнняў ва Украіне, якая ўключана ў праект.
Беларускае Радыё Рацыя