Лукашэнка сустракаўся з міністрам замежных спраў Расеі
У Менску Аляксандр Лукашэнка сустракаўся з міністрам замежных спраў Расеі Сяргеем Лаўровым.
Спачатку ён арыгінальна выказаўся наконт таго, што чуе пра „паглынанне” і „інкарпарацыю” Беларусі: „Не настолькі дурныя, каб кагосьці інкарпараваць, як на Захадзе кажуць, ці ўключаць у склад не тое Беларусі Расею, не тое Расеі Беларусь”.
Па словах Лукашэнкі, Беларусь і Расея хочуць „выбудаваць такую канструкцыю… адносін, што пазайздросцяць у свеце і іншыя”.
„І не трэба там енчыць, крычаць, што „тут Пуцін захапіў Беларусь”, — дадаў ён. Аляксандр Лукашэнка згадаў нацыяналізм, фашызм, санкцыі і „эканамічную вайну”, „Сувалкаўскі калідор” (нібыта ў яго і Уладзіміра Пуціна „дастаткова сіл і сродкаў для таго, каб даставіць грузы ў Калінінград”).
Далей гаворка пайшла пра пашырэнне NATO і ядзерную зброю. Лукашэнка падкрэсліў, што складоў ядзерных боепрыпасаў у Беларусі няма. Пры гэтым ён абурыўся, што заходняя авіяцыя праводзіць трэніроўкі па выкарыстанні ядзернай зброі.
Беларускае Радыё Рацыя
Artykuł Лукашэнка сустракаўся з міністрам замежных спраў Расеі pochodzi z serwisu БЕЛАРУСКАЕ РАДЫЁ РАЦЫЯ.