Першая ў свеце маштабная кібервайна ўжо ідзе ва Украіне
Першая ў свеце поўнамаштабная кібервайна ўжо ідзе ва Украіне. Кібербяспека ў свеце будзе не менш важная для выжывання, чым моцныя ўзброеныя сілы.
Расейскія хакеры гэтак жа, як і войска РФ сістэматычна ігнаруюць правілы вядзення вайны. Пра гэта паведамляе РБК са спасылкай на словы кіраўніка Держспецзв’язку (Дзяржспецсувязі) Юрыя Шчыгаля.
„Ідзе першая ў свеце поўнамаштабная кібервайна, але зусім не апошняя. Наадварот: усе наступныя канфлікты будуць мець магутны кіберкампанент. Кібербяспека будзе не менш важная для выжывання, чым моцныя ўзброеныя сілы„, — заявіў ён.
Мэтам расейскіх хакераў ва Украіне з’яўляюцца аб’екты крытычнай інфраструктуры — энергетычныя і камунальныя прадпрыемствы, бальніцы і службы экстранага рэагавання, фінансавая сістэма, лагістыка і арганізацыі, якія аказваюць дапамогу.
„У перыяд самага вялікага патоку ўкраінскіх уцекачоў хакеры таксама атакавалі гуманітарныя арганізацыі„, — адзначыў ён.
Юрый Шчыгаль заклікаў адрэзаць Расею ад сучасных тэхналогій. На яго думку, на сёння гэтае пытанне павінна быць разгледжана як адзін з прыярытэтаў міжнароднай бяспекі.
Artykuł Першая ў свеце маштабная кібервайна ўжо ідзе ва Украіне pochodzi z serwisu БЕЛАРУСКАЕ РАДЫЁ РАЦЫЯ.