Дзіцячы анколаг-гематолаг РНПЦ Юлія Жаранкова на волі
Дзіцячы анколаг-гематолаг РНПЦ Юлія Жаранкова на волі. Яе дапыталі ў якасці сведкі, яна начавала дома, паведамляе @panaceyaSPB.
Пра затрыманне Жаранковай стала вядома 8 ліпеня. У гэты ж дзень быў затрыманы яе калега, загадчык лабараторыі генетычных біятэхналогій цэнтра Аляксандр Мялешка. Вядома, што ён атрымаў 10 сутак арышту і знаходзіцца ў ізалятары на Акрэсціна. Абодва лекары маюць дачыненне да „Свабоднага прафсаюза Беларускага”. Па якой справе праходзіць сведкам Жаранкова, і па якім артыкуле арыштаваны Мялешка, не вядома.
У 2020 годзе беларускія медыкі масава выступалі супраць гвалту ў дачыненні да мірных пратэстоўцаў. Многія з іх былі затрыманы, атрымаўшы суткі. Таксама медыкі атрымалі рэальныя тэрміны па крымінальных справах, звязаных з пратэстамі і палітыкай.
Artykuł Дзіцячы анколаг-гематолаг РНПЦ Юлія Жаранкова на волі pochodzi z serwisu БЕЛАРУСКАЕ РАДЫЁ РАЦЫЯ.