Францыя далей не будзе прызнаваць Лукашэнку кіраўніком Беларусі
З нагоды завяршэння дыпламатычнай місіі спецыяльны прадстаўнік МЗС Францыі, пасол Нікаля дэ Лакост сустрэўся з кіраўніком НАУ Паўлам Латушкам.
Падчас сустрэчы кіраўнік НАУ падзякаваў паслу Францыі за адмову ва ўручэнні даверчых лістоў Лукашэнку. Дэ Лакост пацвердзіў, што Францыя будзе і надалей прытрымлівацца непрызнання Лукашэнкі кіраўніком Беларусі. Сярод іншага кіраўнік НАУ прапанаваў спецыяльны санкцыйны пакет імя Кацярыны Андрэевай, прысвечанага масавым парушэнням правоў журналістаў і рэпрэсіям, якія працягваюцца ў Беларусі.
У бліжэйшы час будзе прызначаны новы спецпрадстаўнік Францыі па пытаннях Беларусі, які будзе ажыццяўляць сваю місію з Вільні.
Artykuł Францыя далей не будзе прызнаваць Лукашэнку кіраўніком Беларусі pochodzi z serwisu БЕЛАРУСКАЕ РАДЫЁ РАЦЫЯ.