У Тэлеграме невядомыя вярбуюць беларусаў
У розных чатах зноў з’явіліся спам-паведамленні аб наборы людзей на працу ў ПАП (Прыватнае ахоўнае прадпрыемства). Рэдакцыя і падпісчык ТК „Мая краіна Беларусь” звязаліся з гэтым кантактам у тэлеграме і даведаліся падрабязнасці.
Мужчына шукае фізічна развітых мужчын узростам ад 20 да 40 гадоў, якія раней праходзілі воінскую службу ў арміі або іншых сілавых структурах (пажадана з вопытам вядзення баявых дзеянняў). Больш за ўсё вярбоўшчыка цікавілі спецыялісты парашутна-дэсантнай падрыхтоўкі, мінна-падрыўной справы, аператары БПЛА (навошта такія людзі для аховы – невядома).
У перапісцы ён намякаў на замежныя камандзіроўкі і рабіў на гэтым акцэнт, маўляў «там можна добра зарабіць проста робячы сваю працу». Таксама мужчыну цікавіла стаўленне да так званай «спецыяльнай ваеннай аперацыі» ва Украіне.
Паводле Польскага радыё
Artykuł У Тэлеграме невядомыя вярбуюць беларусаў pochodzi z serwisu БЕЛАРУСКАЕ РАДЫЁ РАЦЫЯ.