Агляд прэсы: хісткі падмурак
Будоўля пастаяннай агароджы на латвійска-беларускай мяжы. Што дасць візіт экспертаў МАГАТЭ на Запароскую АЭС? Грэцыя на шляху да аўтакратыі? Сербія і Косава прыйшлі да кампрамісу.
Artykuł Агляд прэсы: хісткі падмурак pochodzi z serwisu БЕЛАРУСКАЕ РАДЫЁ РАЦЫЯ.
Будоўля пастаяннай агароджы на латвійска-беларускай мяжы. Што дасць візіт экспертаў МАГАТЭ на Запароскую АЭС? Грэцыя на шляху да аўтакратыі? Сербія і Косава прыйшлі да кампрамісу. Падрабязнасці свежых матэрыялаў замежнай прэсы даведаемся ў аглядзе Вольгі Сямашкі.
«Як толькі калегі з Вільні паведамілі, што толькі што завяршылася будаўніцтва 500-кіламетровай агароджы на мяжы паміж Літвой і Беларуссю, як на латвійска-беларускай мяжы выраслі першыя кіламетры пастаяннай агароджы», – прыводзіць звесткі інфармацыйнай справаздачы Міністэрства ўнутраных спраў латвійскае выданне Latvia’s national public broadcaster.
Як паведамляецца ў матэрыяле, высечка лясоў праведзена прыкладна на 70% усёй памежнай тэрыторыі. У рамках кантрактаў на мяжы запланавана інфраструктура працягласцю 150 км, з якіх у агульнай складанасці каля 82 км павінны быць высечаны.
«Зараз праз рэкі пабудавана чатыры масты. Таксама плануецца пабудаваць шэсць вышак, патрульныя дарогі, дарожкі і іншую неабходную інфраструктуру. Будаўніцтва інфраструктуры на латвійска-беларускай мяжы плануецца завяршыць да канца чэрвеня 2024 года, агароджу — да канца лютага 2024 года», – піша латвійскае выданне.
agliad presy_world news_adbiuka ap_jk
Каманда экспертаў Міжнароднага агенцтва па атамнай энергіі спрабуе вырашыць адзін з самых вострых крызісаў, выкліканых вайной Расеі супраць Украіны: прадстаўнікі МАГАТЭ прыбылі на найбуйнейшую ў Еўропе атамную электрастанцыю ў Запарожжы для таго каб высветліць на месцы, што ж адбываецца на станцыі. АЭС знаходзіцца наўпрост на лініі фронту, яна занятая расейскімі войскамі і рэгулярна абстрэльваецца.
«Адкладанне важных рашэнняў па гэтым пытанні можа стаць пагрозай для ўсіх нас», – піша літоўская газета Lietuvos rytas.
«Радавога наведвання АЭС і наступных выказванняў аб «наяўнасці асцярог» – відавочна недастаткова. Пры дапамозе ваенных экспертаў неабходна ўстанавіць, хто, адкуль і па чыім загадзе страляе. Сёння цалкам магчыма атрымаць такую інфармацыю, прычым ва ўсіх дэталях, а затым трэба прымаць рашэнні на ўзроўні ААН. Калі на Запарожскай АЭС раптам адбудзецца аварыя, дык гэта стане пагрозай для ўсяго свету. Адкладанне прыняцця суровых мер супраць злачынцы, асоба якога ўжо ўстаноўлена, павінна прыраўноўвацца да злачынства супраць чалавечнасці. Неабходна ўвесці дадатковыя меры бяспекі і на іншых АЭС, размешчаных на тэрыторыі Украіны, а таксама на Беларускай АЭС каля горада Астравец», – заклікае літоўскае выданне.
agliad presy_world news_adbiuka ap_jk
Прэм’ер-міністр Грэцыі Міцотакіс каторы раз аcпрэчыў заклікі сысці ў адстаўку, якія раздаюцца на фоне скандалу з праслухоўваннем тэлефонных размоваў апазіцыі. Прычын праслухоўвання ён па-ранейшаму не называе і гаворыць, што нічога пра гэта не ведаў. Аглядальнікі разглядаюць тое, што адбываецца, таксама ў кантэксце маючых адбыцца ў наступным годзе выбараў.
Нямецкі часопіс Der Spiegel не шкадуе крытыкі.
«Грэцыя лічыць сябе калыскай дэмакратыі. Аднак на справе Міцотакіс усё часцей звяртаецца да аўтакратычных метадаў. Ён і ягоныя людзі зрабілі хлусьню неад’емнай часткай сваёй палітыкі. Так, Der Spiegel і іншыя СМІ ўсёабдымна задакументавалі факты незаконнага выправаджэння бежанцаў за межы Грэцыі. І ўсё ж грэцкі ўрад па-ранейшаму бессаромна заяўляе, што ніякіх дэпартацый не было. Такім чынам, ён разбурае аснову, на якой можа існаваць дэмакратычны дыскурс. Спыніць аўтарытарную тэндэнцыю ў сябе дома ў першую чаргу павінны самі грэкі: выбары ў краіне пройдуць самае позняе ў наступным годзе», – заклікае нямецкае выданне.
agliad presy_world news_adbiuka zvanochak_j
Пры пасярэдніцтве Еўразвязу Сербіі і Косава ўдалося прыйсці да дамоўленасці ў спрэчцы аб узаемным прызнанні дакументаў на мяжы: з гэтага часу грамадзяне Косава змогуць уязджаць у Сербію па косаўскіх дакументах, а Косава, у сваю чаргу, прызнае сербскія дакументы. Што да нумарных знакаў аўтамабіляў, то па гэтым пытанні да кампрамісу прыйсці не ўдалося. Як адзначае прэса, па-ранейшаму захоўваецца немалы патэнцыял для магчымага канфлікту. Гішпанская газета El Periódico de España указвае на небяспеку, якую прадстаўляе расейскі ўплыў у Белградзе.
«Уладзімір Джуканавіч, дэпутат ад кіруючай Сербскай прагрэсіўнай партыі, апраўдвае жорсткую і бязлітасную вайну Расеі супраць Украіны, і нават плануе паўтарыць гэты канфлікт на Балканах. Нядаўна ён заявіў, што «можа здарыцца так, што Сербія апынецца змушанай прыняць удзел у «дэнацыфікацыі» Балкан». Джуканавіч пераймае расейскі дыскурс, які сцвярджае, што Еўропа па горла загразла ў віры самаразбуральнай дэгенерацыі. Культурная вайна, распачатая новымі правымі, аказвае ўплыў на краіны Вішаградскай групы і іншыя дзяржавы Еўропы. Так Масква папярэджвае Боснію аб рызыках уступлення ў НАТО», – падкрэслівае гішпанскае выданне.
Агляд сусветнай прэсы падрыхтавала Вольга Сямашка.
Беларускае Радыё Рацыя
Artykuł Агляд прэсы: хісткі падмурак pochodzi z serwisu БЕЛАРУСКАЕ РАДЫЁ РАЦЫЯ.