Андрэй Вардамацкі: Расейскае грамадства падтрымлівае не вайну, а мэдыя-прадукт пра вайну
Адкуль узнікла ў Расеі вялікая падтрымка агрэсіі ва Украіне? Чаму гэтая падтрымка трывае да сённяшняга дня?
Cацыёлаг, дырэктар Беларускай аналітычнай майстэрні Андрэй Вардамацкі тлумачыць гэтую падтрымку тым, што расейскім грамадзянам праз медыі падаюць хлуслівую інфармацыю, і насельніцтва ацэньвае ў расейскіх апытаннях не саму вайну, а гэты медыя-прадукт.
– Тое, што прапануюць расейскія сродкі масавай інфармацыі – гэта не ёсць апісанне вайны, як вайны. Гэта нейкая дэма-версія, гэта такая софт-версія вайны. Нібыта там адбываецца нешта абсалютна справядлівае, «белае-пушыстае», нібыта зброя працуе толькі па ваенных аб’ектах, ніхто не чапае мірнае насельніцтва і г.д.
Такім чынам, як тлумачыць Андрэй Вардамацкі, – расейцы падтрымліваюць не вайну, а медыя канструкт, які ім падаецца. І таму ў Расеі ў грамадстве такія адносіны да вайны – нібыта гэта нешта справядлівае, што не закранае цывільнае насельніцтва. Але калі само расейскае грамадства шчыльна дакранецца да вайны, то, відавочна, гэтыя адносіны могуць імкліва змяніцца, лічыць эксперт.
Беларускае Радыё Рацыя
Artykuł Андрэй Вардамацкі: Расейскае грамадства падтрымлівае не вайну, а мэдыя-прадукт пра вайну pochodzi z serwisu БЕЛАРУСКАЕ РАДЫЁ РАЦЫЯ.