Юлія Тарасевіч: Беларусы ды італьянцы дапамагаюць сем’ям палітзняволеных
У Італіі адбыўся праект дапамогі сем’ям беларускіх палітзняволеных. За час праекту ў Італіі адпачылі 10 сем’яў палітзняволеных, агулам больш за 30 чалавек.
Пра асаблівасці гэтага праекту распавядае яго каардынатарка Юлія Тарасевіч:
– Дзесяць дарослых і дзеці палітвязняў, дзеці рэпрэсаваных, дзеці бежанцаў. Вось такі праект, ён толькі што скончыўся, тыдзень таму. Зараз я займаюся праектамі для нашых, хто збег з Беларусі і цяпер працуе ў Польшчы, Латвіі ці Літве. А маглі б працаваць па сваёй прамой спецыяльнасці. І мы зараз працуем над гэтым праектам.
На думку Юліі Тарасевіч, вялікую дапамогу ў праекце аказалі італьянцы, бо ведалі, што адбываецца ў Беларусі і з беларусамі.
– Толькі яны дапамагаюць, таму што нашая супольнасць тут у Італіі невялікая. Тое, што мы можам рабіць, мы робім. Але зараз дзяўчаты мэтанакіравана робяць для Украіны. А я наадварот – займаюся толькі беларусамі. Таму што, у адрозненні ад іх, я сама прайшла некаторыя выпрабаванні, і таму я разумею, што беларусы маюць вялікую патрэбу ў дапамозе.
На праект дапамогі сем’ям беларускіх палітвязням было сабрана каля 30 тысяч еўра, але агульная сума грошай, выдаткаваных на прыезд беларусаў, склала каля 40 тысяч, і цяпер у Італіі працягваецца збор на гэты праект.
Беларускае Радыё Рацыя
Artykuł Юлія Тарасевіч: Беларусы ды італьянцы дапамагаюць сем’ям палітзняволеных pochodzi z serwisu БЕЛАРУСКАЕ РАДЫЁ РАЦЫЯ.