Прадстаўнік Польшчы заклікае ўлады Беларусі адмовіцца ад падтрымкі Расеі
Прадстаўнік Польшчы пры ААН Кшыштаф Шчэрскі заклікаў улады Беларусі адмовіцца ад падтрымкі расейскай агрэсіі.
Па яго словах, без дэмакратызацыі палітычнай сістэмы ў краіне – немагчымая працяглая стабільнасць у рэгіёне. Такое меркаванне Шчэрскі выказаў падчас абмеркавання дакладу аб пасадцы самалёта Ryanair у Менску.
Прадстаўнік Польшчы адзначыў, што пасадка самалёта – толькі адзін з прыкладаў пагроз, якія нясе аўтарытарны рэжым у Менску. Ён таксама абвінаваціў улады Беларусі ў стварэнні штучнага міграцыйнага крызісу на граніцах з краінамі Еўразвязу.
Узгадаў Шчэрскі і пераслед у Беларусі польскіх арганізацый, у тым ліку крымінальныя справы супраць Анжалікі Борыс і Анджэя Пачобута, гаварыў пра рэпрэсіі ў дачыненні да апанентаў Лукашэнкі.
“Падумайце пра ўсе негатыўныя наступствы вашага ўдзелу на баку агрэсара, адмоўцеся ад сваёй падтрымкі і дапамажыце спыніць праліццё крыві ў вашага суседа”, – сказаў польскі палітык.
Artykuł Прадстаўнік Польшчы заклікае ўлады Беларусі адмовіцца ад падтрымкі Расеі pochodzi z serwisu БЕЛАРУСКАЕ РАДЫЁ РАЦЫЯ.