Ці вылеціць бундэстым на другім мундыялі запар?
1 снежня пройдуць чатыры матчы заключнага тура групавога раунда чэмпіянату свету.
Artykuł Ці вылеціць бундэстым на другім мундыялі запар? pochodzi z serwisu БЕЛАРУСКАЕ РАДЫЁ РАЦЫЯ.
Сёння пройдуць чатыры матчы заключнага тура групавога раунда чэмпіянату свету. Харватыя згуляе са зборнай Бельгіі. Гэта матч жыцця для абедзвюх каманд. Дэ Бройне і кампанію задаволіць толькі перамога. Модрыч са таварышы могуць быць задаволены нічыёй, якая гарантавана выведзе іх у 1/8 фіналу.
-
Фота: Reuters
Японія сустрэнецца з Іспаніяй. Іспанцы будуць намагацца выйсці ў плэй-оф з першага месца. Калі выказаць здагадку, што ў паралельным паядынку зборная Германіі пераможа з розніцай у два мячы каманду Коста-Рыкі, то японцам у Эр-Раяне патрэбна толькі перамога, каб выйсці ў плэй-оф.
Шчэнсны паспрачаўся з Ліянэлем Месі на 100 еўра падчас матчу Польшча — Аргенціна
Брамнік зборнай Польшчы Войцэх Шчэнсны распавёў аб пары з форвардам Аргенціны Ліянэлем Месі. Аргенцінцы забілі два мячы ў браму палякаў. Абедзве каманды прайшлі ў 1/8 фіналу
„Заключыў пары з Месі на 100 еўра, што суддзя не прызначыць пенальці… Прайграў заклад. Не ведаю, ці дазволена гэта, можа, мяне пакараюць… Я не збіраюся яму плаціць, у яго і так ужо дастаткова грошай”, – адзначыў Войцэх Шчэнсны.
Каралёк дапамог гандбалістам „Кельцэ” перамагчы „Эльверум” у Лізе чэмпіёнаў
Беларус Арцём Каралёк дапамог гандбалістам польскага „Кельцэ” здабыць сёмую перамогу ў групавым раундзе Лігі чэмпіёнаў. У матчы 8-га тура групы У чэмпіёны Польшчы адолелі на выездзе нарвежскі „Эльверум” з мінімальнай перавагай у ліку – 27:26. Арцём Каралёк закінуў адзін мяч, гэта яго 25-ы гол у сёлетнім сезоне чэмпіёнскай Лігі. Лідар гэтай групы – пераможца двух апошніх розыгрышаў Лігі чэмпіёнаў іспанская „Барселона” працягнула бяспройгрышную серыю, абыграўшы на сваёй арэне нямецкі „Кіль” 26:24.
Мароз — найлепшы навічок КХЛ у лістападзе
Камісія па вызначэнні лепшых хакеістаў КХЛ на падставе статыстычных звестак выступаў гульцоў вызначыла лаўрэатаў лістапада ў чатырох намінацыях. Форвард менскага „Дынама” Вадзім Мароз быў прызнаны найлепшым навічком КХЛ у лістападзе. Вадзім Мароз набраў дзевяць (3+6) ачкоў у 12 матчах і завяршыў месяц з паказчыкам карыснасці „+2”, на яго рахунку 10 сілавых прыёмаў, восем заблакаваных кідкоў і два адборы шайбы.
Плат пераходзіць у фінскі клуб „Тапара”
Натуралізаваны форвард зборнай Беларусі Джэф Плат, які пакінуў клуб „ЮП”, працягне кар’еру ў Фінляндыі. Хакеіст будзе выступаць у „Тапары”, — паведамляе афіцыйны сайт клуба. У гэтым сезоне ў чэмпіянаце Фінляндыі Плат згуляў 18 сустрэч, адзначыўшыся шасцю (2+4) баламі.
Беларусь не атрымлівала апавяшчэнняў ад World Athletics аб адхіленні беларусаў
Беларуская федэрацыя лёгкай атлетыкі (БФЛА) не атрымлівала ніякіх афіцыйных апавяшчэнняў аб падаўжэнні адхілення лёгкаатлетаў з рэспублікі ад міжнародных спаборніцтваў, заявіў кіраўнік БФЛА Іван Ціхан Sputnik. Кіраўнік World Athletics Себасцьян Коў нядаўна паведаміў, што абмежаванні, накладзеныя на атлетаў з Беларусі і Расеі, застаюцца ў сіле. Тым не менш БФЛА ніякіх дакументаў пакуль не атрымлівала.
Беларускія і расейскія спартоўцы адхілены ад міжнародных спаборніцтваў з-за правядзення РФ ваенных дзеянняў ва Украіне.
Беларускія паралімпійцы накіравалі іскі ў Еўрапейскі суд па правах чалавека
Беларускія паралімпійцы афіцыйна звярнуліся ў Еўрапейскі суд па правах чалавека аб парушэнні іх законных правоў. Аб гэтым расказаў сёння генеральны сакратар Паралімпійскага камітэта Беларусі Мікалай Шудзейка. Ён нагадаў, што ўсё пачалося яшчэ ў лютым, калі зборныя Беларусі і Расеі за лічаныя гадзіны да адкрыцця XIII зімовай Паралімпіяды былі адхілены ад удзелу ў галоўных стартах, да якіх рыхтаваліся чатыры гады. А нядаўна ў Берліне на пазачарговай генеральнай асамблеі Міжнароднага паралімпійскага камітэта (IPC) Беларусь і Расея зноў падвергліся санкцыям – было прыпынена іх сяброўства ў арганізацыі. Паралімпійскі камітэт Беларусі ўжо адправіў афіцыйны пратэст на гэтае неабгрунтаванае рашэнне, – піша БЕЛТА.
Беларускае Радыё Рацыя
Artykuł Ці вылеціць бундэстым на другім мундыялі запар? pochodzi z serwisu БЕЛАРУСКАЕ РАДЫЁ РАЦЫЯ.