ЧС. Уругвайская драма
2 снежня на мундыляі завяршылі спабор каманды групы Н. У выніку драматычнага развіцця падзей з гэтай кампаніі разам з Партугаліяй у плэй-оф выйшла Паўднёвая Карэя. Уругвай перамог дружыну Ганы 2:0, але яму забракла аднаго забітага мяча.
Гана не здолела ўзяць рэванш ва ўругвайцаў за крыўдную паразу на чэмпіянаце свету 2010 года, але ўрэшце змагла як „сабака на сене” перашкодзіць сваім даўнім апанентам. Мундыяль развітваецца з Уругваем, а футбольныя аматары з плеядай вялікіх майстроў – Луісам Суарасам, Эдзінсанам Кавані, Дыега Гадзінам. Суарас выявіў сябе і ў гэтым „развітальным” матчы – два галы адбыліся з яго непасрэдным удзелам.
Гана – Уругвай – 0:2 (Джорджыян дэ Араскаэта, 26, 32)
У паралельным матчы ў значнай ступені рэзервовы склад партугальцаў хутка выйшаў наперад. Зноў актыўнічаў Раналду, які не захацеў адпачываць і вельмі імкнуўся забіць чарговы мяч, каб абысці Месі. А ў выніку міжволі толькі нашкодзіў – карэйцы параўнялі лік на табло менавіта ў сітуацыі, калі мяч адскочыў ад Крышціяну. А пазней, ужо ў даданы час, здарылася і пераможная контратака азіятаў, якая прывяла ў ступар увесь Уругвай.
Паўднёвая Карэя – Партугалія – 2:1 (Кім Ён Гвон, 27, Хван Хі Чхан, 90+1)
Выніковае становішча ў групе Н: 1. Партугалія – 6 ачкоў, 2. Паўднёвая Карэя – 4 (розніца мячоў 4-4), 3. Уругвай – 4 (2-2), 4. Гана – 3.
Беларускае Радыё Рацыя
Artykuł ЧС. Уругвайская драма pochodzi z serwisu БЕЛАРУСКАЕ РАДЫЁ РАЦЫЯ.