ЧС. Францыя перамагла Польшчу ў 1/8 фіналу
Пры тым форвард Аліўе Жыру ўсталяваў нацыянальны рэкорд.
Artykuł ЧС. Францыя перамагла Польшчу ў 1/8 фіналу pochodzi z serwisu БЕЛАРУСКАЕ РАДЫЁ РАЦЫЯ.
Чарговы матч 1/8 фіналу на чэмпіянаце свету скончыўся згодна з прагнозамі. Першы тайм для Польшчы быў лепшым на гэтым турніры, але гэтага было недастаткова. Пры ліку 0:0 Пётр Зеліньскі мог адкрыць лік, але не здолеў перайграць Уга Льёрыса. А незадоўга да перапынку „трохкаляровыя” усё ж дамагліся свайго. Аліўе Жыру скарыстаўся правалам польскай аброны ў цэнтры і скіраваў мяч у сетку Войцэха Шчэнснага. Гэты быў 3-і гол Жыру на бягучым мундыялі і ажно 52-і за нацыянальную дружыну. Такім чынам ён абышоў былога рэкардсмена Францыі Цьеры Анры, у якога 51 гол.
Другі тайм пэўны час дарыў спадзевы „бялэ-чэрвоным”, але іх перакрэсліў майстарскі стрэл іншага лідара атакі чэмпіёнаў свету – Кіліяна Мбапэ. Бліжэй да канца сустрэчы ён выканаў яшчэ адзін падобны сольны нумар. Такім чынам у Мбапэ стала ўжо 5 галоў на гэтым турніры.
Горыч паразы Польшчы крыху падсаладзіў Роберт Левандоўскі, які рэалізаваў пенальці. Праўда забіў ён толькі з другой спробы – пры першай Льёрыс лёгка злавіў мяч, толькі што абаронцы Францыі заранёў ускочылі ў штрафную і венесуэльскі арбітр слушна загадаў перабіць.
Рэпрэзентацыя Польшчы пакідае турнір, Францыя ўпэўнена крочыць далей.
Францыя – Польшча – 3:1 (Аліўе Жыру, 44, Кіліян Мбапэ, 74, 90+1; Роберт Левандоўскі, 90+9, з пенальці)
Artykuł ЧС. Францыя перамагла Польшчу ў 1/8 фіналу pochodzi z serwisu БЕЛАРУСКАЕ РАДЫЁ РАЦЫЯ.